Danyél 7:25 - Udél Dwata: Gna Kesfasad ne Lomi Kesfasad

²⁵ Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Danyél 7:25 Referans Kwoze

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Deng Hegfan 12:6

Kewóten se kun yóm libun yó, mlóy etu bè tum benwu laen dù tau menwu du. Yóm benwu deng eles hentifes Dwata béléen mò gónón semgyok du efet deng yóm tlu halay bud sóól.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Deng Hegfan 18:24

Tódô megtafak yóm syudad Babilun, abay se gotu ton Dwata lemen yóm litô yó kem tehe gna tugoden ne yó kem tau hemtahu béléen tehe bnonok le bè yó. Tahu se, tódô kdê yó kem dumu tau deng tehe hnatay le te tonok, gotu ton Dwata litô le bè yóm syudad bong yó.

Danyél 7:20

Bud snólóku hnigad yóm sfolò kem hanga yóm gfat ógóf lóbô yó ne yóm sotu ngà hanga udì hesut huli, yóm hekdut yóm tlu gna hanga, yóm hanga wen matahen ne wen sumóngen alì mudél heklabak. Bè ktonu du yóm ngà hanga hesut huli yó, alì hegetahen knóen bè yó kem dumuhen.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Danyél 7:8

Yóm igou temngel yó kem hangahen, tódô tonu yóm sotu ngà hanga udì hesut gu lem blóng yó kem hanga yó. Gotu hekduten yóm tlu kem gna hanga mung du but le anì wen gónón mteg se kun. Yóm ngà hanga udì ni, wen matahen lómón mata tau ne wen sumóngen alì mudél heklabak.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Deng Hegfan 14:12

Yó gónóm mon, yake hol le hfulung hbala yó kem tau Dwata. Lu se yó kem tau mimón du yó kem kun hlau Dwata, ne teneb le bè Jisas.

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

2 Tisalunika 2:3

Hol ye temgama anì laen dù gemsukat kuy. Abay se là kóen tagad sut he yóm kdaw bud kkól yóm gónó tekuy mogot ke là nan gegna yóm alì kekbê le ke Dwata yó kem tau, ne nan na hegfan he yóm tau alì hulung mò sidek. Yó se yóm tau deng eles golu etahen yóm kógówen elem lanaw ofi.

2 Tisalunika 2:8

Ne yó he kehegfanen yóm tau alì hulung mò sidek yó. Okóm bè yóm kkól yóm gónó tekuy mogot Jisas, angat tódô hnatayen mlan bè kyufen du. Tódô mekto meglà yóm tau yó lemwót bè yóm tey keslinang yóm gónó tekuy mogot.

Danyél 3:26

Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Danyél 7:18

Okóm bè hol sónen, yó nmò yóm Hol Geta, gotu blayen ebè yó kem kun tau yóm klamangen yóm nogot le ne laen kô dù sónen yóm kogot le du.”

Danyél 8:14

Bnalà yóm sotu, monen, “Yó kegenen, ke deng lewu libu tlu latu dulék le angat msó du yóm udas tehe gel kedsù le, sotu hlafus, sotu kimel. Ominen yó he mulék bè sana kehyuhen yóm Gónô Dwata.”

Danyél 8:9

Lemwót bè yóm sotu bè nim fat kem hanga ni, wen sotu ngà hanga udì sut du ne tey kegbeken, tenfengen e subô ne fi dmata kdaw, lenngeben etu bè benwu Israél yóm benwu alì knóón.

Danyél 8:11

Balù Dwata, yóm gel malak yó kem sendaluen bè longit, sana katuen du. Yó nmoen, hetefloken yóm gel kedsù le ebè Dwata ket kdaw ne kóhen yóm gel ktaba le du bè yó bè Gónóen.

Danyél 9:27

Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”