Danyél 7:22 - Udél Dwata: Gna Kesfasad ne Lomi Kesfasad

²² efet kkólen bè yó yóm Tuha Laen Dù Buten nan e kmukum lem blóng le. Bè yóm kkukumen kul, nfihen yó kem kun tau yóm Dwata hol dandónen geta. Ominen yó he sut yóm kdaw khogoten du kul yóm klamangen benwu.

Danyél 7:22 Referans Kwoze

Danyél 7:18

Okóm bè hol sónen, yó nmò yóm Hol Geta, gotu blayen ebè yó kem kun tau yóm klamangen yóm nogot le ne laen kô dù sónen yóm kogot le du.”

Deng Hegfan 20:4

Ominu yó bud mton yó kem bangkù gónó le myón yó kem tau benlay le glal kmukum. Bud tonu se lóyóf yó kem tau deng tehe hnatay le lan le tmulón yóm ktahuhen tehe tolok Jisas, ne lan le tmolok Udél Dwata. Ni kem tau ni, là kô hentahu le du yóm lóbô tanay sut. Dalang se yóm lennged hmoen, là kô hentahu le du. Ne là se henmóyô le du yóm kun ilô yóm lóbô, yóm gel nmò le lem uyó le duhen ke te henmù le. Ni kem tau tehe hnatay le ni, gotu le bud mowil, ne gotu le mung kmamal bè Krays bè yóm lemibu halay.

Deng Hegfan 5:10

Deng nmoem lu kem tau mò nogot Dwata, kem tau mò blóng kem dumu le tau ebè Dwata. Lu se yó kem tau angat mogot benwu te tonok.”

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

2 Tisalunika 2:8

Ne yó he kehegfanen yóm tau alì hulung mò sidek yó. Okóm bè yóm kkól yóm gónó tekuy mogot Jisas, angat tódô hnatayen mlan bè kyufen du. Tódô mekto meglà yóm tau yó lemwót bè yóm tey keslinang yóm gónó tekuy mogot.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Deng Hegfan 1:6

ne deng henbalingen tekuy kem tau mò nogoten, kem tau mò gel blóng kem dumu tau ebè Dwata, yóm Maen. Bê tekuy lensón yóm kdóyón tekuy du. Laen kô dù sónen yóm tey kegetahen ne yóm tey kfasangen kmamal yóm klamangen.

Isaya 63:4

Yakà dengen sut ne yóm kdawu lemwà yó kem dou tau ne deng kdawu tmafak yó kem hohon le.

Danyél 7:23

Yó bud monen mò dou yóm hógów Dwata yó, “Yóm gfat ógóf lóbô yó, hnigaden yóm gfat angat sut mò mogot yóm klamangen benwu ne tey stólóng bè yó kem dumu mogot benwu. Gotu somoken yóm klamang benwu, gotu ndaen ne gotu lenunahen ke wen dù tebel.

Kem Lingón 149:5

Hol le hligal yó kem tauhen bè yóm kadaten kul yó. Hol le hligal semngal igò le hlilil bè gónó le tungô.