Danyél 7:21 - Udél Dwata: Gna Kesfasad ne Lomi Kesfasad

²¹ Yóm igou temngel, lemwót yóm ngà hanga udì yó mit sgida bè yó kem kun tau Dwata ne gemmò bélê le

Danyél 7:21 Referans Kwoze

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Danyél 8:24

Tey kemgis, okóm sundu hol kun tahu kegbek du. Angat tey wen genbaen ne kihu nóyô nmoen gbeken. Angat gotu genlaen yó kem wen kegbek le malak dalang se yó kem kun tau Dwata.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Deng Hegfan 19:19

Ominu yó mton yóm deng kestifun yóm lóbô tanay sut ne yó kem tau hol geta te tonok, mung kul yó kem tey sendalù le. Yó nmò le, na le e mit sgida bè yóm myón ta yóm kudà bukay yó koni ne yó kem mung du.

Danyél 8:12

Lemwót bè yóm sidek alì nmò yóm hanga yó, wen se bè yó kem dumu tau Dwata hnatayen. Kkólen bè yóm gel kedsù le ebè Dwata ket kdaw, gotu kóhen. Tódô gotu nmò yóm hanga yó yóm kun knóyô. Ndaen elaan yóm ktahuhen.

Danyél 7:20

Bud snólóku hnigad yóm sfolò kem hanga yóm gfat ógóf lóbô yó ne yóm sotu ngà hanga udì hesut huli, yóm hekdut yóm tlu gna hanga, yóm hanga wen matahen ne wen sumóngen alì mudél heklabak. Bè ktonu du yóm ngà hanga hesut huli yó, alì hegetahen knóen bè yó kem dumuhen.

Danyél 8:9

Lemwót bè yóm sotu bè nim fat kem hanga ni, wen sotu ngà hanga udì sut du ne tey kegbeken, tenfengen e subô ne fi dmata kdaw, lenngeben etu bè benwu Israél yóm benwu alì knóón.