Danyél 7:2 - Udél Dwata: Gna Kesfasad ne Lomi Kesfasad

² Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Danyél 7:2 Referans Kwoze

Deng Hegfan 7:1

Kogolen bè yó, tódô tonu fat bè yó kem gel hógów Dwata gu bè longit, mdà le bè fat sokok tonok. Yó nmò le, fen henseng le yóm kógów lenos anì là tagaden mbel e talak tonok na a talak mohin ne ebè yó kem koyu.

Deng Hegfan 17:15

Ne bud monen mò do yóm hógów Dwata yó koni, monen, “Yó kem él gónón myón yóm libun hdóyón yó, hnigaden yó kem tey genged tau lemwót bè ket benwu, ne bè ket but tau, ne bè ket kay udél tau.

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Danyél 7:7

Kogolen bè yó, ominu bud mton yóm hton Dwata béléu, bud hesut yóm gfat ógóf lóbô hol ógóf gónó likò, botonge kenkel mton du ne tey sidek kekgisen. Yóm nihihen hono bala tók lembang. Ya tey sidek kséken du yóm kenfóen ne yóm dù tebel gotu ndaen elem tonok. Tey stólóng bè yó kem dumu gna ógóf lóbô ne botong sfolò hangahen.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Danyél 8:2

Bè yóm ktonu du, ditu kun gónóhu nô bè Susa yóm hol yéen syudad bong bè prubinsya Ilam, bede mdae bè tubé Él Ulay.

Danyél 8:8

Mom temnù kegbeken yóm kambing yó. Okóm bè yóm tey kegbeken yó, tódô tfok yóm tey hanga bongen. Bè yóm gónón mteg yóm hangahen tfok yó, tódô bud wen hesut du fat hanga bede tey móntóng. Ket hanga sal stólóng gónóhen e temdok, sotu temdok e mool, sotu temdok e subô, sotu temdok e dmata kdaw ne sotu e desdef.

Sikaraya 6:5

Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.