Danyél 7:16 - Udél Dwata: Gna Kesfasad ne Lomi Kesfasad

¹⁶ Yó nmou, hlonihe ebè yóm sotu mdà klohok yóm bangkù gónón myón kmamal, snólóku béléen lanen yóm kdê tonu yó. Tahu se, gotu tulónen do yóm hnigaden, monen,

Danyél 7:16 Referans Kwoze

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Sikaraya 2:3

Ominen tmagak dou yóm hógów Dwata gel stulón do, senlongen yóm sotu hógów Dwata mógów ebéléen

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Sikaraya 3:7

“Ni se udél yóm Dwata laen dù là gbeken du, monen, Ke hol nmoem yóm dou kóyô ne ke hol loloem yó kem hlolou kóm, benlayu u kwalis mò mogot yóm dou Gónô dalang se yó kem dumu nmò bè yó. Gbekem tódô mógów ebéléu lómón yóm gel nmò ni kem hógów Dwata mdà bè ni nii.

Danyél 9:22

Yó tulónen do, monen, “Ó Danyél, mógówe edini naw e benlay u khulung temnef bè yóm angat nmò Dwata bè yó kem tau Israél elem hulin kdaw.

Danyél 7:17

“Yóm fat klambaden ógóf lóbô yó, hnigaden angat wen fat sut mogot benwu te tonok.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Sikaraya 1:19

Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”