Danyél 7:13 - Udél Dwata: Gna Kesfasad ne Lomi Kesfasad

¹³ Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Danyél 7:13 Referans Kwoze

Matyu 26:64

Bnalà Jisas se, monen, “Yó sii deng monem. Okóm wen tulónu kuy, angat ton ye yóm Ngà Tau myón fi bè kwanan Dwata, yóm laen dù là gbeken du, ne angat ton ye se yóm kesfuléken edini mung bè lobun.”

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Kun Snulat Luk 21:27

Ominen yó he hegfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.

Deng Hegfan 14:14

Ominu bud mkay ketngelu, ne tódô tonu lobun bukay, ne wen myón tahen hol lómón ke tau. Wen blówón suub le bè kuluhen, ne wen tey galab telem nogoten.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Mark 13:26

Ominen yó he angat gfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Deng Hegfan 1:13

Ne bud tonu se yóm mkél bè tau mdà lem blóng le. Ne gnut te hólól tihen yóm nesen, ne wen blówón sminang nô bè kfuhen.

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Danyél 7:22

efet kkólen bè yó yóm Tuha Laen Dù Buten nan e kmukum lem blóng le. Bè yóm kkukumen kul, nfihen yó kem kun tau yóm Dwata hol dandónen geta. Ominen yó he sut yóm kdaw khogoten du kul yóm klamangen benwu.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Danyél 7:9

Yóm igou temngel, wen kem bangkù gónó myón kmamal sù le bè yó ne myón tahen yóm Tuha Laen Dù Buten nan e kmukum. Yóm nesen ne yóm weken hol lómón kbukayen snu, hol bukay bè kdéen. Yóm bangkù gónón myón kmamal hono dilóf ofi, là skasen tendo dmilóf yó kem klilingen.

Isikél 1:26

Fi ta yóm ketef sminang bukay yó wen tonu lómón ke bangkù gónó myón kmamal nô du, nmò le lemwót bè yóm botu ginggung alì sminang. Ne wen tonu lómón tô tau myón tahen.

Kem Lingón 47:5

Bè yóm kotun Dwata ebè yóm gónón myón kmamal, tey hensag tau lemwót bè kligal le, mung du yó kem tey uni féw.

Kun Snulat Jan 12:34

Bnalà le Jisas yó kem tau, mon le, “Yó monen bè Udél Dwata, yóm Misaya, kaem tódô hlós yóm kun klowil, là kóen na a matay. Okóm yóm monem yó, angat hdà le bè yóm kros yóm Ngà Tau. Tau du se yóm Ngà Tau monem yó?”

Kun Snulat Jan 5:27

Ne deng benlayen kwalis yóm Ngaen mò kmukum kdéen tau lemwót bè yóm deng kbalingen Ngà Tau.

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

1 Tisalunika 4:17

Omin tekuy yó he kem tau tolo mowil bè yóm kdaw yó, gotu tekuy slomong bélê le megkay etta bè lobun anì gotu senlong tekuy yóm gónó tekuy mogot ditu te kmawang. Ne nbuten bè yó ne laen kô dù sónen yóm knô tekuy bè yóm gónó te mogot.

Kem Lingón 110:2

Lemwót bè Sayun, angat hlamang Dwata yóm benwu nogotem. Angat uu mogot kul yó kem hohonem.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Danyél 7:12

Ne yó nmò le bè yóm tlu kem dù ógóf, nwa le bélê le yóm kwalis le, okóm na le bud hlowil lu likót.

Danyél 8:15

Duhen yó, ou se Danyél. Bè yóm hanà tolo lelu hemdem du lanen yóm hton béléu yó, tódô tonu yóm lómón tô tau kmoen mdà bè soluhu.

Kem Lingón 2:8

Mnihi béléu dé anì blayu kóm yóm kdéen benwu talak tonok. Angat kóm funen yóm klamangen.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.