Danyél 6:8 - Udél Dwata: Gna Kesfasad ne Lomi Kesfasad

⁸ Duhen ni, holi fema lemen nim udin ni anì là buden megetles ne anì laen dù tau gembek mkó du, mò hlós udin yó kem tau Mid ne kem tau Pérsya.”

Danyél 6:8 Referans Kwoze

Danyél 6:15

Lemwót yó kem genlal bud le slomong ebè yóm tau hol geta ne mon le mò du, “Deng tngónem se, yóm udin yó kem tau Mid ne kem tau Pérsya, ke deng fema yóm tau hol geta, là bud gbek tenles du.”

Istér 1:19

Duhen yó, ke yó dum hyu béléem, hsulati udin anì là buden mdà bè soluhem Boi Basti. Homongem nim lomi udin ni bè yó kem dumu udin deng hsulatem bè ni bè Pérsya ne bè Midya yóm udin là bud wen gembek temles du. Ominem yó bud mebel libun hyu mkay sentahen mò tles yóm kboihen.

Danyél 6:12

Omin le bud semfulék ebè yóm tau hol geta, bud hefedem le du yóm udin lomi nmoen, mon le, “Là deng udinem du kô bè lem yóm tlu folò buteng béen tagad wen tau mni bè yóm kun dwata duhen ke bè dumuhen tau, tek són béléem gónón mni ne yóm tau smonol du nim udin ni, tódô bot elem tum sol gónó le kmukub kem liyun? Là yó du kô udinem?” Bnalà yóm tau hol geta se, monen, “Igò sem yó du udin kem tau Mid ne kem tau Pérsya, udin là gbek tenles du ne là bud gbek kó du.”

Isaya 10:1

Deng ye golu elem hatay ne kem tau Israél. Là kóen tedeng yóm kukum nmò ye. Hono kukum hemgnok yó kem dou tau.

Istér 8:10

Yóm hsulat Murdikay yó, hlanen bè boluy Sérksis ne hdanaen lemen tising yóm tau hol geta yó. Yó kem sulat yó, heted le yó kem tau gel meted sulat smakay yó kem kudà alì mlóy, hónô kudà yóm tau hol geta.

Istér 3:12

Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen.

Istér 8:8

Okóm yóm udin deng hwiten mlan bè boluyu ne deng hdanaen lemen tisingu, là kô gbeku mkó du. Okóm ni dii nmoem, Murdikay, smulati ebè yó kem dumuhem Ju ke tedu nóyóem mò lanem hemseng yóm udin yó. Snulatem mlan bè boluyu ne hdanaem lemen tisingu.”

Istér 8:3

Ne bud mudél ebè yóm tau hol geta Istér, bede tódô hegluduk klohok tihen mung du kiken. Henkoduhen béléen ke hol hensengen yóm udin deng tehe hsulat Haman yóm tau sfu Agag, bè yóm tô keglaen yó kem Ju.

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Danyél 5:28

Parsin, yó lanen nólól. Deng nólól Dwata ne yóm kóm benwu nogot, hogoten yó kem tau Mid ne yó kem tau Pérsya.”

Kem Lingón 94:21

Ssotu atul le hemsidek yó kem tau tedeng, mom hatay kkukum le du yó kem tau laen dù salà le.