Danyél 6:7 - Udél Dwata: Gna Kesfasad ne Lomi Kesfasad

⁷ Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.

Danyél 6:7 Referans Kwoze

Kem Lingón 59:3

Deng wen gónó le hmékét dou. Kem tau alì lóbô fen mangat dou bè yó, yakem wen sem salà deng nmou bélê le, Dwata.

Danyél 3:27

Mung kton le kul yó kem tau genlal ne yó kem genlal bè sendalù ne yó kem gubérnor ne yó kem fen gel hemlan udél bè yóm tau hol geta, ya tey ketnga le yóm klaen dù hemen le. Balù sbalu wek le ke mlób ne là se mlób nes le. Balù boo kebel, là kô gungef le du bélê le.

Danyél 3:6

Ke wen tau là loloen du nim hlolò ni, tódô henmung bot elem tum tey dilóf ofi.”

Danyél 3:2

Ominen hemwit udél ebè yó kem tau genlal ne ebè yó kem tau malak yó kem sendalù ne ebè yó kem gubérnor ne ebè yó kem tau gel hemlan béléen udél ne ebè yóm tau gel hemyu filak ne ebè yó kem tau gel kmukum ne ebè yóm kdéen genlal bè prubinsya Babilun anì gotu le mógów ebè yó na le e hnigal yóm lennged blówón deng hdaen.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kun Snulat Jan 12:10

Duhen yó, bud wen atul nmò yó kem tau hol geta gel demsù ebè Dwata anì gomong hnatay le Lasarus snéen kun,

Mark 15:1

Tikóng deng mwas bè yó, gotu le kendel stifun yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau, dalang se kdê yó kem tau gel kmukum. Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét.

Matyu 26:4

Yó natul le yóm kmò klifut kekfô le ke Jisas anì ghatay le.

Matyu 12:14

Okóm yó kem Farisi, tódô le gotu lemwót, ne sensatul le yóm kmò khatay le ke Jisas.

Kem Lingón 10:9

Eles le hmilung mangat lómón liyun, hnilung nangat kenfô le yó kem tau laen dù gmò le. Ke deng gekfô le lu, omin le kendel demyol kul lem holot le.

Nahum 2:12

Yó nmò yóm liyun logi, gotu nséken yó kem kenfóen mò hkenen yóm liyun libun ne yó kem ngaen. Yóm gónó le nô, tódô hnok yóm deng nséken. Nô se yóm benwu yó nim kmoen ni?

Mika 6:5

Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Danyél 3:11

Ke wen tau mulé du yóm udin yó, tódô henmung bot elem tum tey dilóf ofi.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

Kem Lingón 2:2

Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

Kem Lingón 83:5

Deng ssotu atul le, ne deng le gotu segmung bè yóm kundug le kóm.

Danyél 6:16

Yó gónóm mon, laen dù gmò yóm tau hol geta, tódô hekfóen Danyél ne bot le elem yóm sol gónó le kmukub yó kem liyun. Yó olo udél yóm tau hol geta ebéléen, monen, “Yó hem Dwata tendo nimónem fen lemwà kóm.”

Kem Lingón 59:5

Ó Dwata yóm Dwata laen dù là gbeken du, yóm Dwata yó kem tau Israél, hekmóni kut nem e tnafak yó kem tau bè dumu benwu gel mò sidek. Hol béem abay knodu yó kem tau gel smukat.

Danyél 2:4

Omin le malà yóm tau hol geta yó kem tau hemgawang, bede bè udél Aramik, mon le, “Hol tahà he klowilem. Tulónem kum yóm knahem anì tulón me kóm yóm hnigaden.”

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”