Danyél 6:4 - Udél Dwata: Gna Kesfasad ne Lomi Kesfasad

⁴ Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.

Danyél 6:4 Referans Kwoze

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Kun Snulat Luk 20:20

Kewóten bè yó ne, sónmò le mebel dalil mò gónó le gemkfô ke Jisas bè kudélen yó kem tau gel tmolok hlau ne yó kem tau hol geta gel demsù ebè Dwata. Wen tau gel bnayad le mò fen hmolung du, hlingón le tau dmalang béléen. Gel wen snólók le béléen mò dalil le kmamo du bè yóm Gubérnor lemwót bè Rom anì du fen kmukum du.

Taytus 2:8

Yake hono tahu yóm gel tolokem kul anì laen dù gónó le gemsanil du yóm gel tulónem. Ke ni se nmoem, mulék le myak yó kem hmohon kut lemwót bè yóm klaen dù bang udél le eta te.

Matyu 27:18

Deng tódô tngón Paylét se yóm alì kélés nawa le ke Jisas yó kem tau mit du ebéléen yó.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

Kem Udél Hlalak Tehe Selumun 29:27

Yóm tau tedeng kmoen kenliten yóm tau gel mò sidek senged se yóm tau gel mò sidek bud kenliten yóm tau tedeng kmoen.

Kmukum 14:4

Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.

Tekang Kbuten 43:18

Bè yóm igoen mit kul yó, ya tey klikò le. Yó mon nawa le, “Déke yó gónó le mit kum edini lemwót bè yóm filak tehe hulék le lem sakù me bè yóm tanay kógów me. Ne ni déke kendel kenfô le mi ne nwa le yó kem kudà me ne henbaling le mi kem tau mò hesek yóm tau tu.”

2 Kurin 11:12

Yó gónóhu là hlowil bélê ye, wen yó kem tau tódô lembù mógów nô bélê ye bè yó anì là wen gónó le hsenged yóm kul nmò bè yóm kum mò gónó le hton salù.

Kun Snulat Jan 19:4

Bud hewà bè yó Paylét, monen mò yó kem tey tau wen sbung bè yó, “Ngem bud nitu hewà ebélê ye tum tau tu koni anì tngón ye laen kô dù salà tonu béléen ke mò gónóhu hmatay du.”

Kun Snulat Luk 22:2

Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hmatay ke Jisas. Yó gónó le tô lemifut du, knikò le yó kem tau gel hmungol ke Jisas.

Matyu 26:4

Yó natul le yóm kmò klifut kekfô le ke Jisas anì ghatay le.

Danyél 3:8

Okóm wen bè yó kem tau hemgawang mógów ebè yóm tau hol geta, tifù le yó kem tau Ju.

Jirimaya 18:23

Ó Dwata, tngónem se yóm katul le dou ni. Hol béem abay hnifót yóm sidek nmò le ne hol béem abay kó ta le nim salà le ni. Gotu hnatayem lu bè soluhem. Hol hlanem bè kebutem yóm ktafakem kul.”

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

1 Samwél 22:14

Yó balà Ahimélék du, monen, “Là, Sér. Bè kdê yó kem tóbóng lówóhem yó alì gulit bélê le, duhen yóm towuhem Dabid. Lelen yó he du kmandér bè yó kem sendalù mò mentey kóm. Ne yó kem tau bè gónô bongem tey kadat le du.

1 Samwél 18:14

Bè yóm ket nmò Dabid hono hyu abay se nô béléen Dwata.

Kun Snulat Luk 20:26

Ne laen kô bang bnólów le du bè yóm kbalà Jisas kul lem blóng yó kem tey tau. Tódô le neb, tennga le yóm kbalaen kul.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Tekang Kbuten 41:38

Ne yó monen mò yó kem genlalen, “Laen dù dumu tau ton tekuy ke mkél ke Jusif, yóm tau tendo nô béléen Tulus Dwata.”

1 Samwél 12:4

Yó balà le du yó kem tau, mon le, “Là. Là kô deng lenugihem kum ne là se deng hen-gnokem kum. Laen du deng nwahem bélê me mò wa nawa.”

Danyél 5:12

Yó boluyen yóm tau ni, Danyél, yóm bnoluy Nibukadnisar Béltisasar. Tey betik kehedemen, tau temngón, tau hulung temnef. Gbeken tmulón lan kna ne lan yó kem nged ne gbeken se hemlan yó kem mgel sut bè klowil tau. Yake géhél htabahem Danyél anì tulónen kóm lan yóm snulat bè beng yóó.”