Danyél 6:2 - Udél Dwata: Gna Kesfasad ne Lomi Kesfasad

² Ominen bud mélék tlu tau mò hmalak yó kem gubérnor yó ne mò fen temngel yóm bad gel blay le du bè klamang yóm benwu nogoten. Yóm sotu bè yóm tlu kem tau néléken, duhen Danyél.

Danyél 6:2 Referans Kwoze

Danyél 5:29

Lemwót bè udél Bélsasar, hesek le ke Danyél yóm nes megem hulô, omin le hmieg du lieg blówón ne henbalingen getlu geta bè yóm benwu yó.

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Istér 7:4

Abay se deng wen tau bemli kum anì gotu hfatayen mi kdê me. Ke yó dum tódô btol benlihen mi mò heseken là kô naw e hnala kóm. Okóm ni, gotu himot hfatayen mi kun.”

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.

Kun Snulat Luk 16:2

Kewóten se kun yóm tau wen kendengenen, tinoken yóm tau tnifù le yó, monen mò du, ‘Deng wen gungolu gbak ebéléem. Gotu snulatem dou kun yóm kmò khógówem du yó kem kimuhu, abay se sónen ni ne khogotu du kóm.’

Matyu 18:23

Abay se yóm kogot Dwata tau, hol lómón yóm sotu hningónu ni. Tehe yu ekni, wen sotu tau hol geta kun mtuk bayad bè yó kem tau gel mò nmò béléen.

Kem Udél Hlalak Tehe Selumun 26:6

Yóm tau hemwit tinok bè yóm tau book lómón ke kenlengen tihen, olon mò gónón lebà nawahen.

Kem Udél Hlalak Tehe Selumun 3:16

Yó bunguhen yóm khulung hedem htahaen ktauhem, benlayen u kendengen ne kegdóyón.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 6:1

Bè yóm deng kogot Daryus bè Babilun, yó nmoen, nólólen bè lematu lewu folò prubinsya yóm benwu nogoten, ominen mélék kem gubérnor mò mogot bè ket prubinsya snakufen, ket sotu bè ket prubinsya.