Danyél 6:16 - Udél Dwata: Gna Kesfasad ne Lomi Kesfasad

¹⁶ Yó gónóm mon, laen dù gmò yóm tau hol geta, tódô hekfóen Danyél ne bot le elem yóm sol gónó le kmukub yó kem liyun. Yó olo udél yóm tau hol geta ebéléen, monen, “Yó hem Dwata tendo nimónem fen lemwà kóm.”

Danyél 6:16 Referans Kwoze

Job 5:19

Tendo gel lenwaen uu bè yóm gónón wen gfaem.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Kul Nmò 25:11

Ke deng wen gónóhu mulé udin, ne ke wen nmou mò bang gónóhu matay, bong knóón ke mataye. Okóm ke là tahuhen nim duón le dou ni, là kukum du ke tô blayem ou elem tdok le. Yó kóyóu ni,” mon Pol, “ke Sisar kmukum dou, yóm hol geta bélê tekuy.”

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Sulat Pol Ebè Yó Kem Tau Hemtahu Bè Rom 13:3

Yó kem tau mit udin, laen kô gónó tekuy likò bélê le ke hyu yóm gel nmò tekuy. Són gónón wen klikò tekuy bélê le ke wen gónó tekuy mulé udin. Anì là wen gónó ye likò bélê le, hol nmò ye sen yóm hyu anì dóyón le yu.

Danyél 6:7

Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Jirimaya 38:5

Yó balà Sidikaya kul, monen, “Yó ne, deng nô lem hólól ye yóm tau yó. Laen kô dù lanu hemseng kuy.”

Jirimaya 26:14

Béléu do denge nô lem hólól ye, hol nmò ye béléu sen yóm hyu bè kuy kehedem du.

Kul Nmò 25:9

Okóm ke Fistus kun, kóyóen ke hyu nawa le ebéléen yó kem Ju, yó gónón mon du mò ke Pol, “Móyói kô ke nitu uu ebè Jirusalim anì senkukum tekuy ditu nim knukum ni?”

Kul Nmò 24:27

Bè yóm gewu halay Pol nô bè yó, tólóng tau ne tles gubérnor, boluyen Porsyus Fistus. Okóm ke Filik kun, kóyóen ke hol hyu nawa le ebéléen yó kem Ju, yó gónón là hewà ke Pol.

2 Kurin 1:10

Bè yóm kdaw yó, lenwaen mi bè yóm tô khatay le kum, ne bud lenwaen mi snéen hulin kdaw.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Jirimaya 38:6

Tahu se, nwa le Jirimaya ne omin le mfét du, hloyol le elem yóm sol tehe hokol Malkiya mò gónó le hemyu él. Nim Malkiya ni sotu ngà yóm tau hol geta bélê le. Yóm sol yó, nô talak lósól gónô bong yóm tau hol geta bélê le bè yóm gónóhen nô yóm tau gel mentey bè yó. Laen dù élen tódô hono hitok, botong gebeng lemen Jirimaya.

Jirimaya 39:17

Okóm kóm du Ibid-mélék, fen hewau uu bè yó kem tau alì knikoem.