Danyél 6:15 - Udél Dwata: Gna Kesfasad ne Lomi Kesfasad

¹⁵ Lemwót yó kem genlal bud le slomong ebè yóm tau hol geta ne mon le mò du, “Deng tngónem se, yóm udin yó kem tau Mid ne kem tau Pérsya, ke deng fema yóm tau hol geta, là bud gbek tenles du.”

Danyél 6:15 Referans Kwoze

Danyél 6:12

Omin le bud semfulék ebè yóm tau hol geta, bud hefedem le du yóm udin lomi nmoen, mon le, “Là deng udinem du kô bè lem yóm tlu folò buteng béen tagad wen tau mni bè yóm kun dwata duhen ke bè dumuhen tau, tek són béléem gónón mni ne yóm tau smonol du nim udin ni, tódô bot elem tum sol gónó le kmukub kem liyun? Là yó du kô udinem?” Bnalà yóm tau hol geta se, monen, “Igò sem yó du udin kem tau Mid ne kem tau Pérsya, udin là gbek tenles du ne là bud gbek kó du.”

Istér 8:8

Okóm yóm udin deng hwiten mlan bè boluyu ne deng hdanaen lemen tisingu, là kô gbeku mkó du. Okóm ni dii nmoem, Murdikay, smulati ebè yó kem dumuhem Ju ke tedu nóyóem mò lanem hemseng yóm udin yó. Snulatem mlan bè boluyu ne hdanaem lemen tisingu.”

Danyél 6:8

Duhen ni, holi fema lemen nim udin ni anì là buden megetles ne anì laen dù tau gembek mkó du, mò hlós udin yó kem tau Mid ne kem tau Pérsya.”