Danyél 6:13 - Udél Dwata: Gna Kesfasad ne Lomi Kesfasad

¹³ Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Danyél 6:13 Referans Kwoze

Danyél 3:12

Okóm, wen kem Ju là mimón du yóm deng monem. Yó boluy le Sadrak ne Misak ne Abidnigu, hono kem tau deng wen hogotem kul bè ni bè prubinsya Babilun. Là kô nimón le kóm, là kô le hemtahu bè yóm kóm dwata ne là kô le tmaba bè yóm lennged blówón deng hdaem.”

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Danyél 2:25

Omin Ariyuk kendel mit ke Danyél ebè yóm tau hol geta ne yó udélen ebéléen, “Wen sotu tau tonu mung bè yó kem tau negef lemwót bè Juda, gbeken tmulón du kóm kun hnigad yóm knahem.”

Danyél 5:13

Tahu se, nwit le ebè yóm tau hol geta Danyél ne yó monen mò du yóm tau hol geta, “Uu kô Danyél, yóm sotu tau lemwót gu bè Juda yóm tehe gomong negef mau Nibukadnisar?

Istér 3:8

Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni.

Danyél 1:6

Yó kem ngà logi nélék le yó, wen fat bélê le lemwót bè ból Juda, duhen Danyél ne Hananiya ne Misyél ne Asariya.

Kul Nmò 17:7

ne nim Jasun nii, fen gel hnalam kul bè gónóen. Gotu nulé le yóm udin Sisar, yóm tau hol geta bélê tekuy, yóm kdê le, abay se gel mon le wen sotu tau hol geta senta Sisar kun, boluyen Jisas.”

Danyél 3:8

Okóm wen bè yó kem tau hemgawang mógów ebè yóm tau hol geta, tifù le yó kem tau Ju.

Danyél 3:11

Ke wen tau mulé du yóm udin yó, tódô henmung bot elem tum tey dilóf ofi.