Danyél 6:12 - Udél Dwata: Gna Kesfasad ne Lomi Kesfasad

¹² Omin le bud semfulék ebè yóm tau hol geta, bud hefedem le du yóm udin lomi nmoen, mon le, “Là deng udinem du kô bè lem yóm tlu folò buteng béen tagad wen tau mni bè yóm kun dwata duhen ke bè dumuhen tau, tek són béléem gónón mni ne yóm tau smonol du nim udin ni, tódô bot elem tum sol gónó le kmukub kem liyun? Là yó du kô udinem?” Bnalà yóm tau hol geta se, monen, “Igò sem yó du udin kem tau Mid ne kem tau Pérsya, udin là gbek tenles du ne là bud gbek kó du.”

Danyél 6:12 Referans Kwoze

Danyél 6:8

Duhen ni, holi fema lemen nim udin ni anì là buden megetles ne anì laen dù tau gembek mkó du, mò hlós udin yó kem tau Mid ne kem tau Pérsya.”

Istér 1:19

Duhen yó, ke yó dum hyu béléem, hsulati udin anì là buden mdà bè soluhem Boi Basti. Homongem nim lomi udin ni bè yó kem dumu udin deng hsulatem bè ni bè Pérsya ne bè Midya yóm udin là bud wen gembek temles du. Ominem yó bud mebel libun hyu mkay sentahen mò tles yóm kboihen.

Kul Nmò 16:19

Timbow tngón yó kem tau mfun du yóm ngà libun ni yóm klaen dù bud lan le gemwa filak béléen, tódô kenfô le Pol ne Silas, nit le lu ebè yó kem tau genlal gel kmukum bélê le.

Kul Nmò 16:24

Tahu se. Suen lu bè yóm hol són dfél lem blanggù, ne gotu lok le lem kfal nsol ti le.

Danyél 6:15

Lemwót yó kem genlal bud le slomong ebè yóm tau hol geta ne mon le mò du, “Deng tngónem se, yóm udin yó kem tau Mid ne kem tau Pérsya, ke deng fema yóm tau hol geta, là bud gbek tenles du.”