Danyél 6:10 - Udél Dwata: Gna Kesfasad ne Lomi Kesfasad

¹⁰ Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Danyél 6:10 Referans Kwoze

Kem Lingón 55:17

Keten hlafus ne kemdaw ne kifu kgefeten bè Dwata yóm tendo ktalawu ne kdolongu, ne gel hnungolen ou.

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Kem Lingón 34:1

Là kô senkóhu du yóm tendo gel keslamatu bè Dwata. Là kô tenfloku du yóm kdóyónu du.

Kem Lingón 5:7

Lemwót bè yóm là konolen yóm kbong nawahem dou, gbeku husek elem Gónóem. Lemwót bè yóm kwen klikou kóm, yó gónóhu tmaba ebéléem lem Gónóem.

Kul Nmò 9:40

Na gotu hefewà Pitér lu yó kem libun yó. Ominen mtud bukolen, ne mni bè Dwata. Deng knihen, tódô beklil ebè yóm matay, monen mò du, “Ó Tabita, btiki ne.” Tahu se, tódô kendel henmungen mukat yóm libun yó. Bè yóm ktonen ke Pitér, ominen tódô hboluk myón.

Juna 2:4

Ofo do ke deng tódô hlayukem o béléem ne là bud tonu du ne yóm kóm Gónô.

1 Bok Kem Tau Hol Geta 8:54

Timbow deng kni Selumun bè Dwata, ominen mdà bè solu yóm gónó le gel demsù ebè Dwata, bè yóm deng gónón mtud bukolen bè yóm knihen ebè Dwata yó koni igoen hdà du eta bè longit sigelen.

1 Bok Kem Tau Hol Geta 8:44

Ke dókem lu ebè gida yó kem tauhem anì na le e senfatay yó kem hohon le, ne ke mni le béléem ne ke smolu le ebè nim syudad deng nélékem ne ebè yóm Gónóem deng hdau béléem,

Ifisus 3:14

Duhen yó, botonge mtud bukol bè solu yóm Mà tekuy.

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Danyél 6:13

Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

1 Bok Kem Tau Hol Geta 8:38

ne ke mni le béléem yó kem kóm tau lemwót bè yó kem gfà le ne bè yó kem lenangag le, ne ke hdà le sigel le mni ebè yóm gónóem ni,

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

Kul Nmò 20:36

Timbow deng kudél Pol, ominen mtud bukolen dalang se yóm kdê le bè yó, ne mni bélê le bè Dwata.

2 Tutul Israél 6:38

Ke hol le tahu hegsel bè yóm knô le bè yóm benwu gónó le e megef kul yó, ne ke mni le ebéléem smolu le ebè yóm benwu deng blayem yó kem tehe fù le ne ebè yóm syudad deng nélékem, ne ebè yóm Gónô deng hdau béléem mò mit yóm kóm boluy,

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.

Flipay 1:14

Ne sotuhen, tey wen bè yó kem dumu tekuy deng hemtahu, deng temnù yóm kgel nawa le yóm gónó tekuy mogot lemwót bè yóm deng kegkukubu. Deng mom temnù yóm là klikò le hból du yóm Udél Dwata.

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

Kul Nmò 5:20

“Bud ye mógów elem Gónô Dwata na ye e tulón bè yó kem tau yóm lomi klowil blay Jisas.”

Kul Nmò 4:29

Ne ni, Dwata, hol hnungolem yóm tey kifis le kum. Hol ten-gelem mi kem kóm tau, anì là likò me tmulón du yóm kóm tulón.

Kul Nmò 3:1

Sotu kdaw bè yó, deng tlu uras kimel, lemwót le Pitér lewu le Jan mógów le ebè yóm Gónô Dwata. Yó se yóm sana gel kmò kdaw na le e gel kni bè Dwata.

Kul Nmò 2:15

Ofo kuy mon du ke lengel me. Là kô me na a lengel, abay se hanà tolo sóól mneged kdaw he.

Kun Snulat Luk 22:41

Kewót Jisas bè yó, hetsik, ne hóyów tnudà yóm klayuken bélê le. Yó nmoen, tuden bukolen bè tonok, ne mni bè Dwata.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Kem Lingón 86:3

Hol knoduhem ou, Dwata, yakà senflósu du kdaw tendo tmaba ebéléem.

2 Tutul Israél 6:13

Wen gónó le gel hegewà sok wen kestifun hmoen bè tembaga deng hdaen bè yó, mukas lewu mitru klamangen ne mukas sotu mitru kegetahen. Suen bè gónón sóól lósól yóm Gónô Dwata. Ominen motun etahen ne mdà bè yó, ne ominen mtud bukolen bè solu yóm kdéen tau Israél, nbólen eta bè longit hólólen.

1 Bok Kem Tau Hol Geta 8:30

Hol hnungolem yó kem gel hnihu béléem, dalang se kul gel hni yó kem tauhem Israél igò me smolu ebè yóm Gónóem ni. Hol hnungolem mi igoem nô dyó bè gónóem nô bè longit, ne ke deng gungolem, hol hnifótem mi.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

Mark 3:3

Ne mon Jisas mò yóm tau kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.