Danyél 6:1 - Udél Dwata: Gna Kesfasad ne Lomi Kesfasad

¹ Bè yóm deng kogot Daryus bè Babilun, yó nmoen, nólólen bè lematu lewu folò prubinsya yóm benwu nogoten, ominen mélék kem gubérnor mò mogot bè ket prubinsya snakufen, ket sotu bè ket prubinsya.

Danyél 6:1 Referans Kwoze

Danyél 5:31

Yó bud tles mogot yóm benwu yó, duhen Daryus yóm tau Mid. Yó deng halay Daryus bè yóm kbut kogoten bè yó, nem folò lewu.

Istér 1:1

Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.

1 Pitér 2:14

Dalang se yó kem gubérnor deng néléken mò fen tmafak yó kem tau gel mò sidek, ne mò fen gel dmóyón yó kem tau mò yóm hyu.

Danyél 3:2

Ominen hemwit udél ebè yó kem tau genlal ne ebè yó kem tau malak yó kem sendalù ne ebè yó kem gubérnor ne ebè yó kem tau gel hemlan béléen udél ne ebè yóm tau gel hemyu filak ne ebè yó kem tau gel kmukum ne ebè yóm kdéen genlal bè prubinsya Babilun anì gotu le mógów ebè yó na le e hnigal yóm lennged blówón deng hdaen.

Danyél 6:2

Ominen bud mélék tlu tau mò hmalak yó kem gubérnor yó ne mò fen temngel yóm bad gel blay le du bè klamang yóm benwu nogoten. Yóm sotu bè yóm tlu kem tau néléken, duhen Danyél.

Danyél 9:1

Bè yóm tanay halay kehyón le ke Daryus mò kmamal yóm benwu Babilun yóm sotu tau Mid ngà Ahasirus,