Danyél 5:9 - Udél Dwata: Gna Kesfasad ne Lomi Kesfasad

⁹ Deng mom temnù klikò Bélsasar ne bud temnù yóm kbukósen. Ya tey sidek klikò le se kul yó kem genlalen.

Danyél 5:9 Referans Kwoze

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Danyél 2:1

Bè yóm gewu halay Nibukadnisar mogot yóm benwu Babilun, wen kem knahen ne tey sbeweg kegnómen du, botong là kóen gtungô.

Jirimaya 6:24

Yó udél yó kem tau bè Jirusalim, mon le, “Wen tulón gungol me gbak bè kmò yó kem hohon me. Bè yóm kungol me du botong lana bélê me kgis me. Ya tey sidek klikò me lelen yó he tey sidek kdesen bélê me, lómón kdes yóm libun kmuleng blututen.

Deng Hegfan 6:15

Yóm kdéen tau te tonok, tódô le gotu tô hebnos lem yó kem kilib ne lem blóng yó kem botu lembang ditu lem bulul, kdéen tau hol geta, ne kdéen tau wen glalen, ne kdéen geta bè yó kem sendalù, ne yó kem tau kwasa, ne yó kem tau wen kfasang le, ne kdéen dumu tau, tau hesek ne tau là heseken, gotu le tô hebnos.

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Danyél 10:8

Duhen yó, són ou tebel ditu temngel yóm tey tennga hton Dwata béléu. Balù udì ke bud wen kgisu, botonge bukós laen kô dù bud gelu.

Jirimaya 30:6

Okóm wen snólóku bélê ye. Wen kô logi mngà? Moen se ke tey dê tonu kem logi hfiles nogot le blutut le lómón ke libun kmuleng blututen?

Kem Lingón 48:6

Ne tódô setbol kkel le, ya tey sidek kegnóm le du, lómón yóm libun kmuleng blututen,

Kem Lingón 18:14

Gentien yó kem hohonen, ne gotu le sekla. Ya tey kehsilaen du, botong le mlóy.