Danyél 5:7 - Udél Dwata: Gna Kesfasad ne Lomi Kesfasad

⁷ Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 5:7 Referans Kwoze

Danyél 5:29

Lemwót bè udél Bélsasar, hesek le ke Danyél yóm nes megem hulô, omin le hmieg du lieg blówón ne henbalingen getlu geta bè yóm benwu yó.

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 2:6

Okóm ke tulón ye do yóm knahu ne yóm hnigaden, wen tey tilob angat basahu kuy ne wen tey ofol ye, lelu hegeta kuy. Yó ne, hol tulón ye do yóm knahu ne yóm hnigaden.”

Danyél 2:2

Yó nmoen, gotu htabahen yóm kdéen tau mton bù ne yó kem tau demwata ne yó kem tau hemgawang anì snólóken bélê le ke tedu yóm deng knahen. Timbow le kól bè yó, gotu le mdà bè solu yóm tau hol geta

Danyél 4:14

Hgelen udélen, monen, “Nofok ye nim koyu ni, gotu nlós ye hangahen. Gotu kó ye dounen ne gotu bulét ye kem bunguhen. Gotu lo ye lu yó kem ógóf hgolung laanen ne hlikò ye lu yó kem onuk koyu smala tahen.

Kem Udél Hlalak Tehe Selumun 1:9

Lemwót bè yóm ktolok le kóm, yó se mò gónón hol tilob yóm kóm kmò lómón ke hegkesi mulew ne lemieg mò heklóón kóm.

Istér 3:1

Timbow kogolen bè yó, wen sotu tau nélék Sérksis mò hol gfi béléen boluyen Haman ngà Hamidata, yóm tau semfu gu bè yóm tehe Agag.Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du.

1 Samwél 17:25

Ne yó mon yó kem sendalù Israél bè Dabid, “Tonem kô yóm tau alì tahà bong sut gu ditu yóó? Yóm tendo mbót tekuy sfatay. Deng wen fasad Sol, yóm tau gembek hmatay du angat wen tey ofol blayen du, lelen bud hyehen du du he yóm ngaen libun. Ne sotun, là kô hbayaden du bwis yóm maen ne yó kem fes lówóhen.”

Lista 24:11

Tódói mulék ne. Deng tehe wen ofol fasadu kóm okóm deng henseng Dwata béléem yóm ofol yó.”

Lista 22:17

Angat tey bong ofolem béléu ne gotu nmou béléem yóm kdê knóyóem. Holi mógów edini nam e henmulà lu dou ni kem tau ni.”

Lista 22:7

Tahu se, yó kem genlal bè yó kem tau Muab ne yó kem genlal bè yó kem tau Midyan lemwót le etu bè Balaam. Hyu wen nwit le mò bayad le du ke henmulaen yó kem tau Israél. Bè yóm kkól le ditu, tulón le ke Balaam yóm tinok Balak.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Kehewà 7:11

Okóm yó nmò Faro, htabahen yó kem tau hulung hmau bélê le ne yó kem tau demwata ne bud nmò le se kul yóm nmò Aron yó.

Danyél 1:4

Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Danyél 1:20

Lenwóten bè yó bè ket snólóken bélê le yóm tau hol geta, bè kun kehedem du yóm kul khulung hedem ne kul khulung temnef nim fat kem logi gel hemlan béléen udél ni, botong sfolò duléken lemyu senta yóm kul ketngón yó kem tau demwata tehe gel hemlan béléen udél.

Danyél 2:27

Bnalà Danyél se, monen, “Laen kô dù tau temngón, duhen ke tau demwata, duhen ke tau hemgawang ke gembek tmulón du kóm yóm knahem.

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 5:15

Deng gotu nwit le lu edini yó kem tau temngón snaligu ne yó kem tau demwata, okóm là kô gbek le tmulón du do lan yóm snulat bè beng yóó.