Danyél 5:5 - Udél Dwata: Gna Kesfasad ne Lomi Kesfasad

⁵ Yóm igò le dmóyón yó kem dwata le yó, tódô henmung ton le yóm tdok smulat bè beng yóm gónô bong yóm tau hol geta, moni bè wen soloken. Ton Bélsasar se kun yóm tdok smulat yó

Danyél 5:5 Referans Kwoze

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Kulasi 2:14

Gotu kóhen ne yóm gónóhen smulat yó kem salà tekuy. Bè yóm kkóhen du, hol lómón ke tehe gomong htutuken bè kros.

Danyél 5:15

Deng gotu nwit le lu edini yó kem tau temngón snaligu ne yó kem tau demwata, okóm là kô gbek le tmulón du do lan yóm snulat bè beng yóó.

Danyél 5:8

Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 4:33

Tódô bè yó sem udas yó, kdohoen eta Nibukadnisar yóm monen yó. Tódô lo le bè yó anì là buden nô lem blóng tau. Tódô mótób lem bnes mkél bè safì ne sónmoen wos bè amù. Ngangen gembunù du nim ni efet ktahaen bul banug weken ne yóm knuguhen lómón ktahaen knugu onuk koyu.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.