Danyél 5:4 - Udél Dwata: Gna Kesfasad ne Lomi Kesfasad

⁴ Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Danyél 5:4 Referans Kwoze

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

Danyél 1:8

Okóm ke Danyél kun, deng nô bè nawahen yóm là kóyóen gholu bè yóm ken ne yóm ninum blay yóm tau hol geta kul. Yó nmoen, hkodu bè Aspinas anì htólóngen yóm hkenen kul.

Danyél 5:3

Tahu se, nwit le ebéléen ni kem tegayan blówón tehe nwa le lem yóm Gónô Dwata bè Jirusalim ne gotu le minum lemen, mung du yó kem genlalen ne yó kem yehenen ne yó kem libun tódô nmuhen.

Danyél 5:5

Yóm igò le dmóyón yó kem dwata le yó, tódô henmung ton le yóm tdok smulat bè beng yóm gónô bong yóm tau hol geta, moni bè wen soloken. Ton Bélsasar se kun yóm tdok smulat yó

Amus 6:7

Yó gónóm mon, angat yu hol gna negef le ebè benwu mayuk. Angat gesón ne yóm kehguluk ye.

1 Bok Kem Tau Hol Geta 1:49

Timbow gungol yó kem tau tinok Adunadya yóm tulón Junatan, ya tey sidek klikò le, tódô le gotu hebkó mdà, ne sotu kun mulék.