Danyél 5:25 - Udél Dwata: Gna Kesfasad ne Lomi Kesfasad

²⁵ Ni se yóm snulat, monen, Méné, Méné, Tékél, Parsin.

Danyél 5:25 Referans Kwoze

Danyél 5:24

Yó gónóm mon, lemwót béléen yóm tdok smulat ni, du hsulat du ni kem udélen ni.

Danyél 5:26

Yó lanen yó kem udél yó, Méné, yó lanen bnuteng. Deng bnuteng Dwata ne yóm kóm kogot ne deng nmoen sónen.

1 Samwél 28:19

Haya, angat blay Dwata uu ne yó kem sendalù Israél elem hólól yó kem Flistin. Haya nói béléu bè ni se kóm dalang se yó kem ngaem logi. Ne gotu blay Dwata lu yó kem sendalù Israél elem hólól yó kem Flistin.”

2 Tutul Israél 21:12

Omin Ilaydya yóm tugod Dwata, smulat ebè Jihuram, monen, “Ni se udél Dwata ebéléem, yóm Dwata fuem Dabid. Là kô dog loloem du yóm hyu tehe gel nmò maem Jihusafat, dalang se yóm kun nmò yóm téméem Asa tehe tau hol geta bè Juda.

Isaya 14:11

Bè yóm tehe knóem te tonok tey kadat le kóm yó kem tau, sal le gel hemglung béléem. Okóm ni, dengi nô bè benwu yó kem matay. Tódói masà lem bokung ne kem kuled glimun kóm.’ ”

Hbakuk 2:7

Angat le tódô mekto sut yó kem tau tehe mutóng bélê ye yó, mung du lebut le. Gotu bud nwa le yóm kdê deng nô bélê ye yóm igò ye mdà bè yó tódô setbol kkel ye ne laen kô dù gmò ye.

Kun Snulat Luk 1:51

Lemwót bè yóm alì kegbeken, gotu senklahen yó kem tau hegmón alì dê atul le.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”