Danyél 5:23 - Udél Dwata: Gna Kesfasad ne Lomi Kesfasad

²³ Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Danyél 5:23 Referans Kwoze

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Isaya 2:12

Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.

Kem Udél Hlalak Tehe Selumun 20:24

Deng eles natul Dwata yóm kun kmò kógów klowil yóm tau, okóm là kô tngón tau du yóm kun kógów klowil.

Job 31:4

Béléu do, tódô ton Dwata se kdê yó kem gel nmou ne ket lafangu sal tonen.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

Kem Lingón 139:3

Tendo tonem o. Baluen ke moe nmò duhen ke hegnóe, gotu tngónem yóm kmò kekdolu.

1 Timuti 3:6

Yóm tau mò du nim nmò ni, yake yóm deng tmuha kehtahuhen anì là hegmónen. Abay se ke hegmón, dalil gónó Dwata tmuled du, lómón se yóm ktuleden ke Seitan.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Kul Nmò 17:25

Ne laen se kô gónón htóbóng bè tau, abay se laen dù gónón élél. Mom du ne hlowil tau, ne bemlay kul nawa le, ne kdê yó kem wen mu le du.

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Isaya 33:10

Yó udél Dwata ebè yó kem tau bè klamangen benwu, monen, “Ni angat wen nmou. Htonu kuy yóm kfasangu.

Kem Lingón 146:4

Ke matay le, bud le baling kfung se kul, ne kdê yó kem tehe natul le, gotu gesón.

Kem Lingón 115:16

Yóm longit, ke Dwata funen, okóm yóm tonok, fen blayen bè tau.

Kem Lingón 104:29

Ke knogolem lu, tey sidek klikò le. Ke bud nwahem yóm nawa deng blayem kul, matay le. Gotu le bud mulék ebè kfung bè yóm tehe gónó le gu lemwót.

Kmukum 16:23

Timbow deng legen udì bè yó, sotu kdaw gotu le stifun yó kem tau malak yó kem tau Flistin, hligal le mò ken bong ne wen tey dsù le ebè yóm kul dwata lennged boluyen Dagun. Yó mon le, “Deng hegmoen tekuy yóm kut dwata bè Samsun yóm tau hohon tekuy.”

Tekang Kbuten 14:19

Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Tekang Kbuten 2:7

Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Isaya 14:13

Yó tehe atulem tói motun bè longit anì suem ta yó kem blotik hol geta yóm gónóm myón kmamal. Ofo kóm mon du ke angati myón kmamal bè yóm bulul fi bwak gónó le gel stifun yó kem dwata.

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

1 Samwél 17:36

Ni se deng nmou bè yó kem liyun ne bè yó kem bér ne ni se bud nmou bè yóm Flistin là temngón ke Dwata yóó, yakà deng nbóten kul sfatay yó kem kun sendalù yóm Dwata là matayen.

Danyél 8:11

Balù Dwata, yóm gel malak yó kem sendaluen bè longit, sana katuen du. Yó nmoen, hetefloken yóm gel kedsù le ebè Dwata ket kdaw ne kóhen yóm gel ktaba le du bè yó bè Gónóen.