Danyél 5:22 - Udél Dwata: Gna Kesfasad ne Lomi Kesfasad

²² Uu se Bélsasar, yóm ngaen. Là kói dog heglaan bè Dwata igoem deng hónô temngón du nim ni.

Danyél 5:22 Referans Kwoze

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Sulat Jim 4:17

Duhen yó, yóm tau ke deng tngónen yóm hyu, ne là dog nmoen du, yó se baling salaen.

2 Tutul Israél 36:12

Deng mom nmò Sidikaya yóm hono sidek bè kton Dwata du, yóm kun Dwata hol gónó mogot, ne là hnungolen du yóm udél hwit Dwata ebéléen hlanen bè Jirimaya yóm tau tugod Dwata, ne là kóen móyô heglaan béléen.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kun Snulat Luk 12:47

Yóm tau ke deng hónô tngónen yóm hmoen du yóm gónóhen mogot ne mom hningayen, là dog nmoen du, angat tey kbougen du yóm gónóhen mogot.

Matyu 21:32

Ngem yó dém le ksut Jan lem blóng ye yóm tau gel mabtays. Tey kehetngónen du kuy yóm lan hyu bélê ye, okóm là kô ye dog himón. Deng mom yó mimón du yó kem tau gel mtuk bwis ne yó kem libun hdóyón. Igò ye sem deng gotu mton du nim ni, ewenem là kô tenles ye du kehedem ye, là kô dog hentahu ye du yóm gel tulón Jan kuy.”

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Kem Lingón 119:46

Là kóe myak tmulón du bè yó kem tau hol geta yó kem hlauhem.

Isaya 14:13

Yó tehe atulem tói motun bè longit anì suem ta yó kem blotik hol geta yóm gónóm myón kmamal. Ofo kóm mon du ke angati myón kmamal bè yóm bulul fi bwak gónó le gel stifun yó kem dwata.