Danyél 5:18 - Udél Dwata: Gna Kesfasad ne Lomi Kesfasad

¹⁸ Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 5:18 Referans Kwoze

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

Kul Nmò 26:13

Timbow deng móyónen gtungu kdaw bè yóm kógówu yó, Datù, tódô gloufu yóm tey layag temsang gu bè longit, botong kéng nóng kdaw. Yóm layag yó, tódô olohen temfeng dou ne yó kem dumuhu.

Kul Nmò 7:48

Okóm,” mon Stéfén, “là kóen nô lem gónô nmò tau yóm Dwata, yóm hol geta bè kdéen. Wen tehe hsulaten yóm sotu tehe tugoden ekni, monen,

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Kem Lingón 92:8

Okóm uu se, Dwata yóm hol geta bè longit, ne laen kô dù sónen yóm kegetahem.

Kem Lingón 47:2

Yóm Dwata gónó tekuy mogot, du se hol dandónen geta bè kdéen, yake hol wen klikò tekuy du. Du se yóm hol dandónen geta kmamal yóm klamangen.

Kem Lingón 9:2

Tey bong kligalu béléem. Sngalu yóm sngal dmóyón kóm, Dwata yóm Dwata hol Dandónen Geta.

Kem Lingón 7:17

Slamate ebè Dwata lemwót bè yóm tey ktedengen. Sngalu yóm sngal dmóyón ke Dwata yóm Dwata hol Dandónen Geta.

Dwata 32:8

Yó nmò yóm Dwata hol geta bè kdéen, wen mdengen benwu blayen bè ket bung tau talak tonok. Tódô eles hendemen yóm knóón bang gónó le nô yóm kdê le. Eles hendemen se yóm benwu geblà bè yóm kwen yó kem tau Israél.

2 Bok Kem Tau Hol Geta 25:28

Tey tilob gel kudélen ebè Jihuyakin, bong nadaten senta yó kem dumu tau hol geta deng blanggù bè Babilun.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Danyél 4:19

Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.