Danyél 5:16 - Udél Dwata: Gna Kesfasad ne Lomi Kesfasad

¹⁶ Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Danyél 5:16 Referans Kwoze

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 5:29

Lemwót bè udél Bélsasar, hesek le ke Danyél yóm nes megem hulô, omin le hmieg du lieg blówón ne henbalingen getlu geta bè yóm benwu yó.

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Kul Nmò 8:18

Bè yóm kton Simun du yóm deng ksuten bè yó kem tau hemtahu yóm Tulus Dwata lan le Pitér mnok kul, wen filak tô blayen kul le Pitér ne Jan,

Tekang Kbuten 41:15

Timbow kól béléen Jusif, mon Faro mò du, “Wen knahu, okóm laen dù tau gembek tmulón du dou lanen. Deng wen tmulón du dou gbekem tmulón lan kna kun.”

Tekang Kbuten 41:42

Omin Faro mlus yóm tising bè tdoken, yóm tising gónón nô yóm kun ilô ne lahuhen bè tdok Jusif. Ne wen nes alì tilob heseken du ne bud lahuhen bè lihol Jusif yóm lieg blówón.

Danyél 2:6

Okóm ke tulón ye do yóm knahu ne yóm hnigaden, wen tey tilob angat basahu kuy ne wen tey ofol ye, lelu hegeta kuy. Yó ne, hol tulón ye do yóm knahu ne yóm hnigaden.”

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 6:2

Ominen bud mélék tlu tau mò hmalak yó kem gubérnor yó ne mò fen temngel yóm bad gel blay le du bè klamang yóm benwu nogoten. Yóm sotu bè yóm tlu kem tau néléken, duhen Danyél.