Danyél 5:13 - Udél Dwata: Gna Kesfasad ne Lomi Kesfasad

¹³ Tahu se, nwit le ebè yóm tau hol geta Danyél ne yó monen mò du yóm tau hol geta, “Uu kô Danyél, yóm sotu tau lemwót gu bè Juda yóm tehe gomong negef mau Nibukadnisar?

Danyél 5:13 Referans Kwoze

Danyél 6:13

Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 2:25

Omin Ariyuk kendel mit ke Danyél ebè yóm tau hol geta ne yó udélen ebéléen, “Wen sotu tau tonu mung bè yó kem tau negef lemwót bè Juda, gbeken tmulón du kóm kun hnigad yóm knahem.”

Kun Snulat Jan 7:3

Ne yó mon le mò ke Jisas yó kem twolihen, mon le, “Yake tebelem nim benwu ni. Hlósi ebè Judiya dé anì ton yó kem tau lemolò kóm bè yó yó kem gel nmoem.

Isra 6:16

Ominen yó, gotu le hligal yó kem tau Israél bè yóm kehfun le du ebè Dwata yóm Gónóen, lenwóten bè yó kem tau gel blóng ebè Dwata ne yó kem sfu Libay kkólen bè yó kem dumu tau tehe negef deng bud kól, gotu le hligal.

Kun Snulat Jan 7:1

Kogolen bè yó, són bè yó kem benwu snakuf Galili gónó Jisas e gel mógów na a tmolok. Là móyóen mógów bè yó kem benwu snakuf Judiya abay se sónmò le móló hmatay du yó kem Ju wen glal le bè yó.

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Danyél 8:1

Bè yóm deng getluhen halay myón Bélsasar, bud wen hton Dwata do, ou se Danyél hol mton du. Ni se deng gewuhen dulék kwen htonen do.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 5:2

Yóm igò Bélsasar minum, gotu hfangayen yó kem tegayan tahu blówón ne tegayan blówón bukay tehe nwa maen Nibukadnisar gu lem yóm Gónô Dwata bè Jirusalim. Hfangayen mò gónón minum dalang se yó kem genlalen ne kem yehenen ne yó kem libun tódô nmuhen.

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 1:21

Tódô hlós nô bè yó Danyél bè gónô bong yóm tau hol geta efet bè yóm kun bud kogot bè benwu Babilun Sirus, yóm tau hol geta lemwót bè benwu Pérsya mled yóm benwu Babilun.

Danyél 1:1

Bè yóm deng getlu halay Jihuyakim mogot yóm benwu Juda, sut bè Jirusalim Nibukadnisar yóm tau hol geta bè Babilun mung du yó kem sendaluen na le e mundug bè yó.

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Danyél 5:14

Deng gungolu yóm tey kehtulus le kóm yó kem dwata hol mólós ne gungolu snéen yóm khulungem temnef ne yóm tey ketngónem mung du yóm khulungem hedem.

Danyél 1:6

Yó kem ngà logi nélék le yó, wen fat bélê le lemwót bè ból Juda, duhen Danyél ne Hananiya ne Misyél ne Asariya.