Danyél 5:12 - Udél Dwata: Gna Kesfasad ne Lomi Kesfasad

¹² Yó boluyen yóm tau ni, Danyél, yóm bnoluy Nibukadnisar Béltisasar. Tey betik kehedemen, tau temngón, tau hulung temnef. Gbeken tmulón lan kna ne lan yó kem nged ne gbeken se hemlan yó kem mgel sut bè klowil tau. Yake géhél htabahem Danyél anì tulónen kóm lan yóm snulat bè beng yóó.”

Danyél 5:12 Referans Kwoze

Danyél 6:3

Bè kdê yó kem tau deng nélék yóm tau hol geta, són Danyél yóm tonen bong kenhulungen senta yó kem dumuhen ne yó gónón tô mélék du mò mogot klamang yóm benwu knamalen.

Danyél 5:14

Deng gungolu yóm tey kehtulus le kóm yó kem dwata hol mólós ne gungolu snéen yóm khulungem temnef ne yóm tey ketngónem mung du yóm khulungem hedem.

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Kem Udél Hlalak Tehe Selumun 12:26

Yóm tau tedeng kmoen nalaken yóm dumun bè ktedengen, okóm yóm kun kmò yóm tau gel mò sidek, hetlasen kem dumu tau.

Danyél 4:8

Ngangen efet kól béléu Danyél ne tulónu du yóm knahu. (Yóm Danyél bnoluyu Béltisasar, hadénu bè yóm dou dwata, sotu tau deng htulus yó kem dwata hol mólós.)

Kem Lingón 16:3

Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

Kem Udél Hlalak Tehe Selumun 17:27

Yóm tau temngón hulung mafas kudélen ne yóm tau là mahilen lembut wen khulungen temnef.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

Danyél 4:19

Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.

Danyél 2:26

Yó mon yóm tau hol geta mò ke Danyél (yóm bnoluy le Béltisasar), “Tahu kô nim monen ni? Gbekem tmulón du do yóm knahu ne yóm hnigaden?”

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Danyél 6:4

Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.