Danyél 5:11 - Udél Dwata: Gna Kesfasad ne Lomi Kesfasad

¹¹ Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 5:11 Referans Kwoze

Danyél 4:18

Yó se yóm deng knahu, ou se Nibukadnisar mon du nim ni. Ne ni, Béltisasar, tulónem dou yóm hnigaden, abay se laen dù dumu tau temngón bè nim benwu nogotu gembek tmulón du dou. Okóm tngónu là mgelen béléem tmulón du do lanen, abay se deng htulus le uu yó kem dwata alì mólós.’ ”

Danyél 5:14

Deng gungolu yóm tey kehtulus le kóm yó kem dwata hol mólós ne gungolu snéen yóm khulungem temnef ne yóm tey ketngónem mung du yóm khulungem hedem.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

Kul Nmò 12:22

Bè yóm kungol le du, ya tey kehsag le, yó mon le, “Là bud kudél tau du ne nim kudélem ni, hol kudél yóm sotu dwata.”

Danyél 2:11

Tey mgel yóm snólókem bélê me ni, laen dù tau gembek du. Tek són yó kem dwata gembek tmulón du kóm, bede là kô le hdulen bè tau.”

2 Samwél 14:17

Yó hendemu, ‘Udél yóm tau hol geta angat bemlay do kenek nawa.’ Abay se yóm uu, hol lómón ke hógów Dwata, dilóem yóm hyu ne dilóem se yóm sidek. Yó hem sana kóm Dwata hol gónó mogot tendo nô béléem.”

Kul Nmò 16:16

Sotu kdaw bè yó, yóm igò me tolo mógów ebè yóm gónó me gel stifun mni bè Dwata, geslong me yóm sotu ngà libun klifen, okóm wen lamaten. Tey filak gel guta yóm tau gónón geklifen, abay se wen kegbeken tmulón yóm angat sut elem haya lemwót bè yóm gel malak du.

Kul Nmò 14:11

Timbow ton yó kem tau yóm nmò Pol yó, botong le gotu gehensag, mudél le bè kul udél yó kem tau bè Likunya, mon le, “Deng le mnaul elaan yó kem dwata tekuy, hlingu le bè tau.”

Tekang Kbuten 41:38

Ne yó monen mò yó kem genlalen, “Laen dù dumu tau ton tekuy ke mkél ke Jusif, yóm tau tendo nô béléen Tulus Dwata.”

Danyél 1:4

Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Danyél 4:6

Yó gónóhu htaba yóm kdéen tau alì temngón bè Babilun anì tulón le dou hnigad yóm knahu.