Danyél 5:1 - Udél Dwata: Gna Kesfasad ne Lomi Kesfasad

¹ Timbow deng hilu halayen miwes bè yó, lemwót Bélsasar mò ken bong bè yó kem lemibu tau genlalen, ominen mung minum tifas grép bélê le.

Danyél 5:1 Referans Kwoze

Istér 1:3

Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Nahum 1:10

Yó kmò ktonen kul yó kem hmohon du yó, lómón ke yó kem bnes skebeng alì semnual ne lómón yóm tau lengel glénggé mógów. Yó angat kmoen kul, gotu ntemen lu. Lómó ktemen kul, lómón yó kem lami deng mékéng bè tniba.

Tekang Kbuten 40:20

Tahu se, na a hto yóm tlu kdaw. Yó se yóm kdaw tehe ksut Faro. Wen tey ken bong nmoen bè yó kem genlalen. Bè yóm kdaw yó, hewà Faro yóm tau tehe gel mkay béléen ninum ne yóm geta bè yó kem gel mò mambang béléen, hdaen lu bè solu yó kem genlalen.

Danyél 5:30

Ne bè yóm kifu yó, lemwót Bélsasar yóm tau mogot yóm benwu Babilun hnatay le.