Danyél 4:8 - Udél Dwata: Gna Kesfasad ne Lomi Kesfasad

⁸ Ngangen efet kól béléu Danyél ne tulónu du yóm knahu. (Yóm Danyél bnoluyu Béltisasar, hadénu bè yóm dou dwata, sotu tau deng htulus yó kem dwata hol mólós.)

Danyél 4:8 Referans Kwoze

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Danyél 5:14

Deng gungolu yóm tey kehtulus le kóm yó kem dwata hol mólós ne gungolu snéen yóm khulungem temnef ne yóm tey ketngónem mung du yóm khulungem hedem.

Danyél 4:18

Yó se yóm deng knahu, ou se Nibukadnisar mon du nim ni. Ne ni, Béltisasar, tulónem dou yóm hnigaden, abay se laen dù dumu tau temngón bè nim benwu nogotu gembek tmulón du dou. Okóm tngónu là mgelen béléem tmulón du do lanen, abay se deng htulus le uu yó kem dwata alì mólós.’ ”

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Danyél 2:11

Tey mgel yóm snólókem bélê me ni, laen dù tau gembek du. Tek són yó kem dwata gembek tmulón du kóm, bede là kô le hdulen bè tau.”

Isaya 63:11

Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?

Isaya 46:1

“Ni se hol són yó kem dwata kéng bè Babilun. Yó boluy le Bél ne Nibu tehe gónó le gel e tmaba. Okóm ni, gotu bud lulón le lu bè yó kem kudà le. Olo le alì hliteg yó kem kudà igò le tey blat.

Tekang Kbuten 41:38

Ne yó monen mò yó kem genlalen, “Laen dù dumu tau ton tekuy ke mkél ke Jusif, yóm tau tendo nô béléen Tulus Dwata.”

Danyél 2:26

Yó mon yóm tau hol geta mò ke Danyél (yóm bnoluy le Béltisasar), “Tahu kô nim monen ni? Gbekem tmulón du do yóm knahu ne yóm hnigaden?”

Danyél 3:14

yó udél Nibukadnisar ebélê le, monen, “Tahu kô, Sadrak ne Misak ne Abidnigu, là kô hentahu ye du kun yóm dou dwata ne là kô ye tmaba ebè yóm lennged blówón deng hdau?

Isikél 17:23

Angat baling koyu sidar alì tilob bè kdéen, tey klimbà kem hangahen lelen tey tilob kbunguhen mò bud hulu. Angat le gotu smala tahen yóm kdéen kay onuk koyu, hgolung le laan hangahen.