Danyél 4:34 - Udél Dwata: Gna Kesfasad ne Lomi Kesfasad

³⁴ Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Danyél 4:34 Referans Kwoze

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Kem Lingón 145:13

Laen kô dù tul sónen yóm kkamalem, ne laen kô dù tul sónen snéen yóm kegetahem. Là kô klifót Dwata du yóm kdê tehe fasaden tekuy. Gotu gfan bè kdê yó kem gel nmoen yóm kkoduhen tau.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Kun Snulat Luk 1:33

Du mò angat gónó le mogot yó kem tau semfu gu bè yóm tehe Jakub, ne laen kô dù sónen yóm kogoten tau.”

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Danyél 4:26

Okóm yóm tuhod tebel bè tonok, yó lanen angat bud gogotem he yóm benwu ni ke sok deng gtukulem tek són yóm Dwata nô bè longit kmamal yóm klamangen.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”

Danyél 4:3

Tey tennga yóm ilô nmò Dwata ne tey kegbeken mò yó kem hentaw ton. Angat laen kô dù sónen yóm kogoten tau, balù hilu lugod le sana yó ne yóm kun kogot.”

Kem Lingón 146:10

Dwata se yóm hol dandónen geta, ne laen kô dù tul sónen yóm kegetahen. Yu kem tau menwu bè Sayun, yóm Dwata gónô ye kmulu, laen kô dù sónen yóm kogoten kuy. Hol dóyón tekuy Dwata.

Kem Lingón 123:1

Ó Dwata, lengalae edyó béléem bè longit bè yóm gónóhem myón kmamal.

Kem Lingón 121:1

Temngele ebè yó kem bulul, yó hendemu, gónón gu lemwót de yóm tmóbóng do?

Kem Lingón 107:31

Yake hol dóyón le Dwata bè yóm là konolen yóm kbong nawahen kul, ne bè yóm tey kehyu yòm deng nmoen bélê le.

Kem Lingón 102:24

Okóm hkoduhe béléen, monu, “Ó Dwata yóm Dwata là matayen, béem tagad nwa do klowilu yóm igou hanà tolo lomi tau.

Kem Lingón 92:1

Tey hyu ke gel me slamat bè Dwata. Tey hyu semngal du yó kem sngal dmóyón ke Dwata yóm Dwata Hol Dandónen Geta.

Kem Lingón 10:16

Dwata se yóm hol geta laen kô dù tul sónen. Yó kem tau gel tmaba ebè yó kem dwata kéng, tódô gotu kó Dwata lu bè yóm kun benwu.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Kun Snulat Jan 5:26

Bè Mà se hol gónón tembul klowil tau. Ne senged snéen bè yóm Ngaen, deng nmò Maen mò gónón tembul klowil tau.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Kem Lingón 107:22

Yake hol le demsù ebéléen mò gónó le slamat béléen, ne hlan le bè yóm kehligal le semngal. Yake hol tulón le du yóm deng nmoen bélê le.

Kem Lingón 107:15

Là kô gbek le du ke là dóyón le ke Dwata bè yóm là konolen yóm kbong nawahen kul, ne bè yóm tey kehyu yóm deng nmoen bélê le.

Kem Lingón 107:8

Là gbek le du ke là dóyón le ke Dwata bè yóm là konolen yóm kbong nawahen kul, ne bè yóm tey kehyu yóm deng nmoen bélê le.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Kem Lingón 9:2

Tey bong kligalu béléem. Sngalu yóm sngal dmóyón kóm, Dwata yóm Dwata hol Dandónen Geta.

Kem Lingón 7:17

Slamate ebè Dwata lemwót bè yóm tey ktedengen. Sngalu yóm sngal dmóyón ke Dwata yóm Dwata hol Dandónen Geta.

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Deng Hegfan 10:6

ne wen fasad nmoen hlanen bè boluy Dwata, yóm Dwata laen kô dù tul katayen, yóm deng tehe dmimun longit ne tonok ne mohin ne yó kem kentihen nô lem le. Yó udél yóm hógów Dwata yó, monen, “Laen dù bud gónón ganggà ne ni.

Deng Hegfan 4:9

Tey kdóyón le du yóm myón kmamal yó. Ya tey kehegeta le du, ne tey kadat le du, yakà du se yóm laen dù sónen yóm kun klowil. Bè yóm igò le dmóyón du,

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Danyél 4:36

Bè yóm bud kuléken ebéléu yóm sana kehedemu, bud mulék ebéléu snéen yóm kadat le do yó kem tau nogotu ne bud mulék ebéléu yóm kegetahu ne yóm benwu nogotu. Bud le mógów ebéléu yó kem tehe genlalu ne yó kem fen gel hemlan béléu udél na le e hmungol udél béléu. Ne bud hulék Dwata ebéléu yóm kegetahu bè yóm benwu nogotu ne mom temnù kfasangu senta yóm gnan.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 7:27

Ominen yó lemwót yóm Dwata Hol Geta, gotu hogoten yó kem kun tau yóm kdéen benwu talak tonok, benlayen lu kegbek mung du yóm tey kegeta le. Laen kô dù sónen yóm kogot le benwu ne tey kimón le kul yó kem genlal mogot benwu dini talak tonok.”

Juna 1:14

Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

2 Samwél 22:31

Yóm kun klan Dwata, hono tedeng. Sal dohò ke wen fasaden. Dwata se klung yó kem tau gel hofin béléen.

1 Tutul Israél 29:10

Omin Dabid dmóyón ke Dwata lem blóng yó kem tau deng stifun ebè yó, yó monen, “Ó Dwata yóm Dwata yóm fù me Israél, hol laen dù tul sónen he yóm tendo kdóyón me kóm.

1 Tutul Israél 29:13

Duhen ni, uu se Dwata me, slamat me béléem, ne dóyón me yóm tey klinggel boluyem.

Kem Lingón 66:7

Lemwót bè yóm tey kegbeken, laen tul sónen yóm kkamalen yóm klamangen. Tendo tenngelen yóm gel nmò yó kem tau bè ket benwu. Béen wen tau tô hguluk matù du.

Kem Lingón 111:7

Yóm kdê nmoen, sal tedeng, sal hyu, ne hono gsalig yó kem hlauhen tekuy.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Danyél 9:14

Yó se gónó Dwata heglumfak du kum nim glumfak ni, yóm sana kum Dwata hol gónó mogot. Tey tedeng yóm kdê nmoen, ewenem là kô dog olò nimón me du.