Danyél 4:32 - Udél Dwata: Gna Kesfasad ne Lomi Kesfasad

³² Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Danyél 4:32 Referans Kwoze

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Juswa 4:24

Yó gónó Dwata mò du nim ni anì tódô kdéen tau talak tonok gotu temngón du yóm tey kfasangen ne anì wen hol klikò ye du se kuy yóm kuy Dwata hol gónó mogot laen dù tul sónen.”

Kehewà 9:29

Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Isaya 45:3

Ne blayu kóm yóm kimu labi bnos le bè gónón kmifu. Bè yóm nmou béléem yó gónóm temngón du ou se Dwata yóm hol gónó mogot. Ou se yóm kul Dwata yó kem tau Israél, yóm deng tódô tmaba kóm bè boluyem.

2 Tutul Israél 33:13

Ne bè yóm knihen bè Dwata, hnungol Dwata, ne bnalaen yóm knihen tóbóng. Duhen yó, bud hulék Dwata ebè Jirusalim Manasi bè yóm benwu tehe nogoten. Bè yó gónó Manasi temngón du, tek sotu yóm Dwata hol gónó mogot, laen kô dù dumuhen.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Job 42:2

“Ó Dwata, tngónu uu se yóm gembek mò du yóm kdéen. Laen kô dù tau gembek hemseng du yóm kóm atul.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Kem Lingón 135:6

Gotu nmò Dwata balù kihu nóyô nmoen ditu bè klamangen longit, ne dini te tonok ne lem mohin kkólen bè yóm hol gónón nelem.

Isaya 40:15

Bè kton Dwata du yóm kdéen benwu talak tonok tek utì, hol lómón ke tdak él tek setlek. Ne tu kem hungul te mohin, ke tô tnimbang Dwata lu hol lómón klaanen ngà kfung demket bè timbang.

Isaya 40:17

Bè kton Dwata du yóm klamangen benwu, tey utì béléen.