Danyél 4:30 - Udél Dwata: Gna Kesfasad ne Lomi Kesfasad

³⁰ Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Danyél 4:30 Referans Kwoze

Kem Udél Hlalak Tehe Selumun 16:18

Yó nefet yóm tau hegmón duhen yóm keglà ne senged se yóm tau heklabak.

Deng Hegfan 18:10

Gotu le mdà hlayuk, knikò le, kô gomong le bè yóm tey glumfaken, mon le, “Weyò, weyò. Kamaen yóm tey syudad Babilun yóó, yóm tey któtólen. Tek sotu urasen deng sana megtafak.”

Deng Hegfan 17:5

Wen boluy snulat lem uyóhen, okóm gbuni yóm lanen. Yó lanen, “Babilun, yóm syudad tey tótól, yóm hol gónó le menyê kdéen tau hdóyón ne yó kem dumu tau ssamuk honon lu.”

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Deng Hegfan 16:19

Ne yóm tey syudad bong Babilun, botong tlu gónón mesdoli. Gotu gebà snéen yó kem dumu syudad talak tonok. Là kô na a klifót Dwata du yóm alì kegsalà le yó kem tau bè Babilun yó, ne hol hegnómen kul yóm tey kebuten kul, lómón ke wen ninum lóbô hinumen kul.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Kem Lingón 73:8

Gel knuli le kem dumu tau, lelen sidek kbak le. Tey sidek kehegmón le, ne sónmò le matul kmò kdà le kul elaan yó kem dumu tau.

Kem Lingón 49:20

Balù nô kegetahen yóm tau, là kô gbeken hemseng du yóm hatay. Angat matay, lómón yó kem ógóf.

Deng Hegfan 18:21

Ominen lemwót yóm sotu hógów Dwata alì kemgis, nwahen yóm botu kbongen yóm botu bong gónó le gel gmaling, ne tódô tudaen elem mohin, yó monen, “Hol lómón ni se yóm deng ktudà Dwata du yóm tey syudad Babilun yó. Là kô bud tonem du ne.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Kem Lingón 104:1

Hotuhu nawahu dmóyón ke Dwata. Ó Dwata, uu se yóm gónóhu mogot, tey kegetahem. Yó henged nes knóón lesekem, duhen yóm kegetahem ne yóm tey klinggelem.

Istér 1:4

Botong nem bulónen hegfan du bè yó kem tau tinoken yó, yó kem tey kendengenen bè yóm kkamalen ne yóm tey keheklóónen.

Deng Hegfan 14:8

Ominu bud mton yóm gewu hógów Dwata móyóng huli. Yó kun udél, monen, “Deng gbà ne. Deng gbà ne yóm tey syudad Babilun. Hol lómón ke tehe gel hlengelen yóm kdéen tau bè klamangen benwu, duhen yó sem gel kwiten kul mò samuk.”

Kem Udél Hlalak Tehe Selumun 29:23

Yóm keheklabak mit du genef yóm tau, okóm yóm tau heglaan gutahen kadat tau du.

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Hbakuk 1:11

Ke deng gotu genbà le yóm sotu benwu, omin le tódô miwes lómón kbel lenos són ktonem kul. Okóm hono kem tau mò sidek, nmò le dwata le yóm kgis le.”

Kem Udél Hlalak Tehe Selumun 11:2

Sal gel mulék myak yóm tau heklabak, okóm yóm tau heglaanen knóen hulung hedem.

Kun Snulat Luk 14:9

Ke gdek yóm tau hol geta yó, angat nilihen yóm gónó tekuy myón yóm tau fun gónô, ne monen, ‘Wen tau hyónu bè yó,’ ne tles hyónen tekuy bè sokok. Mom yó ne kenyak tekuy.