Danyél 4:3 - Udél Dwata: Gna Kesfasad ne Lomi Kesfasad

³ Tey tennga yóm ilô nmò Dwata ne tey kegbeken mò yó kem hentaw ton. Angat laen kô dù sónen yóm kogoten tau, balù hilu lugod le sana yó ne yóm kun kogot.”

Danyél 4:3 Referans Kwoze

Kem Lingón 145:13

Laen kô dù tul sónen yóm kkamalem, ne laen kô dù tul sónen snéen yóm kegetahem. Là kô klifót Dwata du yóm kdê tehe fasaden tekuy. Gotu gfan bè kdê yó kem gel nmoen yóm kkoduhen tau.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Hibru 1:8

Okóm tólóng se udél Dwata ebè yóm hol Ngaen. Tehe monen mò du, “Ó Dwata, laen kô dù nan e són yóm kogotem tau. Tey tedeng yóm kogotem kul.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Danyél 7:27

Ominen yó lemwót yóm Dwata Hol Geta, gotu hogoten yó kem kun tau yóm kdéen benwu talak tonok, benlayen lu kegbek mung du yóm tey kegeta le. Laen kô dù sónen yóm kogot le benwu ne tey kimón le kul yó kem genlal mogot benwu dini talak tonok.”

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Kem Lingón 105:27

Wen tey hentaw ton hmò Dwata kul bè yó kem tau bè Idyip mò gónón gdilô yóm khógówen kul.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kem Lingón 92:5

Tey tennga, Dwata, yó kem hentaw ton gel nmoem. Tey ngelem yóm kóm kehedem.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Kem Lingón 77:19

Nifalem yóm tey mohin lamang, mlani lem blóng yóm tey lewók bong, bede laen dù mton du danà hólól tihem.

Kem Lingón 72:18

Hol dóyón tekuy Dwata, yóm kut Dwata kem tau Israél. Tek són du gembek mò kul ni kem hyu hnihu ni koni.

Kem Lingón 66:7

Lemwót bè yóm tey kegbeken, laen tul sónen yóm kkamalen yóm klamangen. Tendo tenngelen yóm gel nmò yó kem tau bè ket benwu. Béen wen tau tô hguluk matù du.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Danyél 2:2

Yó nmoen, gotu htabahen yóm kdéen tau mton bù ne yó kem tau demwata ne yó kem tau hemgawang anì snólóken bélê le ke tedu yóm deng knahen. Timbow le kól bè yó, gotu le mdà bè solu yóm tau hol geta