Danyél 4:25 - Udél Dwata: Gna Kesfasad ne Lomi Kesfasad

²⁵ Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 4:25 Referans Kwoze

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Kem Lingón 106:20

Deng mom tles le yóm Dwata le alì geta yóm lennged safì tudu mótób yó kem bnes.

Kem Lingón 75:7

Kaem tek són Dwata yóm kmukum tau. Du se temngón du yóm tau wen salaen, ne bud tngónen snéen yóm tau laen dù salaen.

Kem Lingón 103:19

Bè longit gónó Dwata myón kmamal yóm klamangen, du se hol dandónen geta bè kdéen.

Danyél 2:37

Ne uu se yóm tau hol geta hol geta senta yó kem dumu tau hol geta. Yóm Dwata nô bè longit, du se hlamang yóm benwu nogotem ne bemlay kóm kfasang ne yóm kgisem mogot benwu. Ne bud du se htótól boluyem.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Danyél 4:16

Angat lana béléen kehedem tau ne baling kehedem ógóf lem bnes ne hitu halayen gembunù du nim ni.Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”