Danyél 4:22 - Udél Dwata: Gna Kesfasad ne Lomi Kesfasad

²² Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Danyél 4:22 Referans Kwoze

2 Samwél 12:7

Yó mon Natan mò ke Dabid, “Uu se yóm tau yó. Yó udél Dwata yóm Dwata yó kem tau Israél, monen, ‘Deng tenwélu uu hnolo mò tau hol geta bè Israél, ne deng hewau uu lem hólól Sol.

Deng Hegfan 18:5

Abay se yóm salà nmoen, deng gesduk bè longit ne ke snansudem. Là kô klifót Dwata du yóm sidek gel nmoen.

Kem Lingón 108:4

Yakà mkayen senta kegeta yó kem longit yóm kbong nawahem tau là monolen. Yóm ktenebem bè tau, botong gefet bè yó kem lobun.

Kem Lingón 36:5

Yóm kóm kbong nawa là monolen, Dwata, botong kbongen longit. Yóm tey ktenebem bélê me, botong gefet sentu lobun.

Tekang Kbuten 28:12

Bè yóm ktungóen, wen knahen. Knahen aut slikan tahà lemwót bè tonok ne gefet bè longit, ne wen kem hógów Dwata tonen, maut eta ne wen se mnaul elaan.

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Isikél 17:3

Hgefetem bélê le nim udél lemwót bè yóm sana Dwata hol dandónen geta, yó monen, ‘Wen sotu tey banug bong sut bè Libanun. Ya tey ktahà hafak nbólen, bede tey segkay yó kem betek bulen. Yó nmoen, nogoten yóm hanga koyu sidar hol tnulunen,

Danyél 4:11

Ngangen lemnok yóm koyu yó efet gesduk bè longit ne tey mbegel kdaen. Tódô gfan bè kdéen tau bè klamangen benwu.

Danyél 4:21

Tey knóón mton du yó kem dounen ne tey mungu anien ke tódô kdéen tau talak tonok gotu mken du. Són laanen gónó le hgolung yó kem ógóf lem bnes ne yó kem onuk koyu gotu le smala ta hangahen.

Danyél 4:36

Bè yóm bud kuléken ebéléu yóm sana kehedemu, bud mulék ebéléu snéen yóm kadat le do yó kem tau nogotu ne bud mulék ebéléu yóm kegetahu ne yóm benwu nogotu. Bud le mógów ebéléu yó kem tehe genlalu ne yó kem fen gel hemlan béléu udél na le e hmungol udél béléu. Ne bud hulék Dwata ebéléu yóm kegetahu bè yóm benwu nogotu ne mom temnù kfasangu senta yóm gnan.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Danyél 4:29

Timbow deng sfalayen bè yó, lemwót Nibukadnisar lindan mógów te ketef datal yóm gónô bongen bè Babilun.