Danyél 4:21 - Udél Dwata: Gna Kesfasad ne Lomi Kesfasad

²¹ Tey knóón mton du yó kem dounen ne tey mungu anien ke tódô kdéen tau talak tonok gotu mken du. Són laanen gónó le hgolung yó kem ógóf lem bnes ne yó kem onuk koyu gotu le smala ta hangahen.

Danyél 4:21 Referans Kwoze

Danyél 2:38

Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.

Danyél 4:11

Ngangen lemnok yóm koyu yó efet gesduk bè longit ne tey mbegel kdaen. Tódô gfan bè kdéen tau bè klamangen benwu.

Danyél 4:20

Wen koyu tonem mteg kun, ne ngangen lemnok efet gesduk bè longit ne tey mbegel kdaen, tódô gfan ebè kdéen tau bè klamang benwu.

Danyél 4:22

Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Kem Lingón 104:17

Tey dê onuk koyu smala bè yó kem koyu yó, balù yó kem onuk lembang sana kul ksala bè yó.

Isikél 17:23

Angat baling koyu sidar alì tilob bè kdéen, tey klimbà kem hangahen lelen tey tilob kbunguhen mò bud hulu. Angat le gotu smala tahen yóm kdéen kay onuk koyu, hgolung le laan hangahen.

Kun Snulat Luk 13:19

Sotu gónó tekuy e hmingón du, hol lómón ke yóm lem hulu alì lemnek deng hulu yóm sotu tau bè lamihen. Ngangen efet tmowok yóm huluhen yó, ne baling koyu bong, ne gotu le smala gu ta hangahen yó kem onuk koyu.”