Danyél 4:2 - Udél Dwata: Gna Kesfasad ne Lomi Kesfasad

² Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Danyél 4:2 Referans Kwoze

Danyél 3:26

Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.

Kem Lingón 66:16

Yu kem tau wen klikò ye ke Dwata, géhél ye ne, ne hol ye hmungol, naw e tulón kuy yóm deng nmò Dwata béléu.

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kem Lingón 51:14

Ó Dwata yóm gel lemwà dou, hol hnifótem ou bè yóm tey litô deng hdanagu. Ke yó se nmou, hligale mutóm du bè sngal yóm kehlifótem salà.

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Danyél 4:24

Yó se hnigaden yóm knahem, ne angat hdohò Dwata etahem nim kukumen kóm ni, yóm Dwata hol geta bè kdéen.

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 6:27

Gel lenwaen yó kem kun tau. Wen tey hentaw ton gel nmoen ditu bè longit ne dini talak tonok. Deng lenwaen Danyél lem yóm tey klóbô yó kem liyun.”

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Kem Lingón 65:9

Tey kehedemem du yóm tonok, Dwata. Sal gel hkulónem etahen anì hyu, ne anì hol mabù huluhen. Ne senflósem hlel kul yó kem él. Ne wen se kem hulu htowokem te tonok mò hlowil tau, yó se kmoem du.

Danyél 2:1

Bè yóm gewu halay Nibukadnisar mogot yóm benwu Babilun, wen kem knahen ne tey sbeweg kegnómen du, botong là kóen gtungô.