Danyél 4:19 - Udél Dwata: Gna Kesfasad ne Lomi Kesfasad

¹⁹ Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.

Danyél 4:19 Referans Kwoze

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 4:24

Yó se hnigaden yóm knahem, ne angat hdohò Dwata etahem nim kukumen kóm ni, yóm Dwata hol geta bè kdéen.

1 Samwél 3:17

Mon Ili mò du, “Tedu se tulón Dwata kóm du? Béem bnos béléu. Dwata tmafak kóm ke là tulónem du do yóm kdê tulónen kóm.”

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Danyél 7:15

Ou se Danyél yóm mudél ni. Tey sbeweg kegnómu du bè yó kem deng tonu, botonge likò bè yóm deng hton Dwata do.

Danyél 5:12

Yó boluyen yóm tau ni, Danyél, yóm bnoluy Nibukadnisar Béltisasar. Tey betik kehedemen, tau temngón, tau hulung temnef. Gbeken tmulón lan kna ne lan yó kem nged ne gbeken se hemlan yó kem mgel sut bè klowil tau. Yake géhél htabahem Danyél anì tulónen kóm lan yóm snulat bè beng yóó.”

Danyél 2:26

Yó mon yóm tau hol geta mò ke Danyél (yóm bnoluy le Béltisasar), “Tahu kô nim monen ni? Gbekem tmulón du do yóm knahu ne yóm hnigaden?”

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

1 Bok Kem Tau Hol Geta 18:7

Bè yóm igò Ubadaya mógów, tódô tonen Ilaydya mógów ebéléen. Tódô kendel dilô Ubadaya ne heglaan bè soluhen ne snólóken, “Uu kô ni, Sér?”

1 Samwél 26:15

Ne yó mon Dabid ke Abnér, “Igoem logi se kóm. Laen kô dù mkél kóm bè klamang Israél. Moen se ke là bnenteyem du yóm tau hol geta bélê ye? Deng wen tau hmusek du anì nan e tô hnatay.

1 Samwél 24:8

Omin Dabid hewà se kun lem yóm kilib yó tnabahen Sol, monen, “Ó dou gónó mogot.” Tikóng binguy Sol, tódô tonen Dabid hegdufok ebè tonok bè kadaten du.

1 Samwél 1:15

Bnalà Hana se, monen, “Là Sér, là kóe lengel. Laen dù deng ninumu. Okóm wen gónón sidek kegnómu du ne hotuhu nawahu mni du ebè Dwata.

Kehewà 32:32

Ke yóm hyu béléem hol hnifótem lu. Okóm ke là móyói hmifót kul, tódô kóhem yóm dou boluy deng snulatem bè yóm bok gónóhem smulat boluy yó kem tauhem.”

Tekang Kbuten 32:18

Yó balaem du, monem, ‘Hono ke Jakub, yóm tóbóng lówóhem. Hwiten lu ebè yóm gónóhen mogot Iso. Yó huli kum.’ ”

Tekang Kbuten 31:35

Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Tekang Kbuten 40:12

Mon Jusif se mò du, “Ni sii lanen yóm knahem yó. Yóm tlu hanga tonem, hnigaden tlu kdaw.

Danyél 2:37

Ne uu se yóm tau hol geta hol geta senta yó kem dumu tau hol geta. Yóm Dwata nô bè longit, du se hlamang yóm benwu nogotem ne bemlay kóm kfasang ne yóm kgisem mogot benwu. Ne bud du se htótól boluyem.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 5:19

Tey kehegeta Dwata du, gotu le likò du yóm kdéen tau bè klamangen benwu, balù kihu gónó le gu semfu, balù kihu benwu gónó le gu lemwót, ne balù kihu kay udél le. Botong setbol kkel le bè soluhen. Gbeken hmatay du kihu nóyô hnatayen ne gbeken se hlowil du kihu nóyô hlowilen. Gbeken se hegeta du yóm sotu tau nóyô hegetahen ne gbeken se mnok du elaan yóm sotu tau nóyô nnoken elaan.