Danyél 4:17 - Udél Dwata: Gna Kesfasad ne Lomi Kesfasad

¹⁷ Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Danyél 4:17 Referans Kwoze

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

1 Kurin 1:28

Néléken yó kem tau gel hen-gnok le lem nim benwu ni, ne gel kenhisik le, ne gel henwog le mò gónón lemsón yóm alì bong muhen bè yó kem tau te tonok, mò gónó Dwata hegfan yóm klaen dù muhen yóm kul gel hendem yó kem tau te tonok.

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

1 Bok Kem Tau Hol Geta 21:25

Laen kô dù tau mkél ke Ahab bè yóm alì khotuhen nawan mò du yóm sidek bè kton Dwata du. Yóm sidek nmoen ni, hono lemwót bè gel kubugen du yóm yehenen Jisébél.

Deng Hegfan 4:8

Sket kul na nem hafak le. Tódô henok lówó le hono mata, balù laan hafak le. Tódô seflós kdaw ne kifu yóm tendo kesngal le. Yó utóm sngal le, monen, “Laen kô dù belenen yóm Dwata, bà udì. Du se hol gónó mogot bè klamangen, yóm laen dù là gbeken du. Bud du se yóm sana Dwata tenbut bè kbuten efet nim kmoen ni, ne du se yóm móyónen bud sut.”

1 Timuti 5:21

Gungol Dwata ni kem monu mò kóm ni, ne gungol Krays Jisas se kun, dalang se yó kem hógów Dwata nô bè longit. Hol nulitem ni kem hlolou kóm ni, ne béen mtukul henlom nawam.

Isaya 6:8

Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

Kem Lingón 12:8

Yó kem tau mò sidek, tódô kihu gónóm mton kul, ya tey keheklabak le. Ne bè klamangen benwu, tendo dóyón yó kem tau yóm alì ksidek nmò tau.

Sulat Pol Ebè Yó Kem Tau Hemtahu Bè Rom 13:1

Hol tekuy gel nimón yóm gubérno, abay se Dwata gónón gu lemwót. Kdê yó kem gubérno, bè Dwata gónón lemwót yóm kul glal.

Kem Lingón 103:19

Bè longit gónó Dwata myón kmamal yóm klamangen, du se hol dandónen geta bè kdéen.

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.