Danyél 4:14 - Udél Dwata: Gna Kesfasad ne Lomi Kesfasad

¹⁴ Hgelen udélen, monen, “Nofok ye nim koyu ni, gotu nlós ye hangahen. Gotu kó ye dounen ne gotu bulét ye kem bunguhen. Gotu lo ye lu yó kem ógóf hgolung laanen ne hlikò ye lu yó kem onuk koyu smala tahen.

Danyél 4:14 Referans Kwoze

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Danyél 4:23

Ominem mton yóm sotu mit tulón, yóm alì mólós htuntun gu bè longit. Yó udélen, monen, ‘Nofok ye nim koyu ni, hol gotu nufók ye. Okóm tebel ye yóm tuhoden, benkes ye bala tók ne tembaga futì bè buten, omin ye tódô mayà du lem bnes anì sónmoen tendo wos bè amù. Hitu halayen tendo slomong bè yó kem ógóf lem bnes.’

Kun Snulat Luk 3:9

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu là gulit kbunguhen, angat senfeken, ne tódô legas elem ofi.”

Matyu 7:19

Yóm koyu là hyu kbunguhen, tódô nofok kmò du, ne tudà elem ofi.

Danyél 4:12

Tey knóón ton yó kem dounen ne tey kbunguhen anien ke kdéen tau talak tonok gotu mken du. Són laanen gónó le hgolung yó kem ógóf lem bnes ne yó kem onuk koyu gotu le smala ta hangahen. Tódô kdê yó kem mowil te tonok, gotu mken bunguhen nim koyu ni.

Danyél 3:4

ominen lemwót yóm tau gel mò heglalag bè yóm tau hol geta hgelen udélen, monen, “Ó kem tau, balù kihu kuy gónó gu semfu, balù kihu benwu ye, balù kihu kay udél ye, hol hnungol ye yóm hlolò yóm tau hol geta.

Deng Hegfan 18:2

Hgelen udélen, monen, “Deng gbà ne. Deng gbà ne yóm tey syudad Babilun. Deng baling gónó le gel nô yó kem kdéen klasi busaw alì sidek. Ne bè yó gónó le nô snéen yó kem onuk koyu là mólósen.

Deng Hegfan 10:3

Ne ominen hgel tabahen, lómón ke ngel liyun. Kogol yóm ktabahen yó, bnalà yó kem hitu leték, ya tey lungkul le.

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Danyél 4:29

Timbow deng sfalayen bè yó, lemwót Nibukadnisar lindan mógów te ketef datal yóm gónô bongen bè Babilun.

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.