Danyél 4:13 - Udél Dwata: Gna Kesfasad ne Lomi Kesfasad

¹³ Bè yóm igou temngel du yóm koyu yó, tódô tonu se htuntun gu tta bè longit yóm sotu hógów mit tulón, yóm alì mólós.

Danyél 4:13 Referans Kwoze

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Danyél 8:13

Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Danyél 7:1

Bè yóm tanay halay kogot Bélsasar yóm benwu Babilun, wen kna Danyél ne wen hton béléen bè yóm igoen hlilil bè gónón tungô. Gotu snulaten yóm knahen yó ne ni se yóm tonen.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Danyél 4:23

Ominem mton yóm sotu mit tulón, yóm alì mólós htuntun gu bè longit. Yó udélen, monen, ‘Nofok ye nim koyu ni, hol gotu nufók ye. Okóm tebel ye yóm tuhoden, benkes ye bala tók ne tembaga futì bè buten, omin ye tódô mayà du lem bnes anì sónmoen tendo wos bè amù. Hitu halayen tendo slomong bè yó kem ógóf lem bnes.’

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Deng Hegfan 14:10

angat tey kebut Dwata kul, hol lómón ke wen ninum alì lóbô laen dù bolen hinumen kul. Bè yóm angat ktafaken kul, sónmò le heslaf ditu lem lanaw ofi wen kbudahen tendo dmilóf. Yóm keheslaf le yó, hyu bud ton yó kem hógów Dwata gu bè longit ne yóm Ngà Ubiha.

Kun Snulat Luk 4:34

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu. Uu se yóm mólós hógów Dwata.”

Mark 1:24

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Danyél 7:23

Yó bud monen mò dou yóm hógów Dwata yó, “Yóm gfat ógóf lóbô yó, hnigaden yóm gfat angat sut mò mogot yóm klamangen benwu ne tey stólóng bè yó kem dumu mogot benwu. Gotu somoken yóm klamang benwu, gotu ndaen ne gotu lenunahen ke wen dù tebel.

Danyél 7:17

“Yóm fat klambaden ógóf lóbô yó, hnigaden angat wen fat sut mogot benwu te tonok.

Danyél 4:10

Bè yóm igou hlilil bè gónóhu tungô wen hton béléu, tonu yóm tey koyu bong mteg bè gónón sóól tonok. Tey koyu tahà.

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”