Danyél 4:12 - Udél Dwata: Gna Kesfasad ne Lomi Kesfasad

¹² Tey knóón ton yó kem dounen ne tey kbunguhen anien ke kdéen tau talak tonok gotu mken du. Són laanen gónó le hgolung yó kem ógóf lem bnes ne yó kem onuk koyu gotu le smala ta hangahen. Tódô kdê yó kem mowil te tonok, gotu mken bunguhen nim koyu ni.

Danyél 4:12 Referans Kwoze

Kun Snulat Luk 13:19

Sotu gónó tekuy e hmingón du, hol lómón ke yóm lem hulu alì lemnek deng hulu yóm sotu tau bè lamihen. Ngangen efet tmowok yóm huluhen yó, ne baling koyu bong, ne gotu le smala gu ta hangahen yó kem onuk koyu.”

Isikél 17:23

Angat baling koyu sidar alì tilob bè kdéen, tey klimbà kem hangahen lelen tey tilob kbunguhen mò bud hulu. Angat le gotu smala tahen yóm kdéen kay onuk koyu, hgolung le laan hangahen.

Mark 13:32

“Laen kô dù temngón du yóm kdaw angat kesfuléku,” mon Jisas, “duhen ke tedu urasen. Balù yó kem hógów Dwata gu bè longit, là kô tngón le du se kul. Dalang se do, là kô tngónu du. Tek són Mà bè longit temngón du.

Matyu 13:32

yóm lem hulu alì lemnek bè kdéen. Okóm ke deng tmowok yóm huluhen yó, tey bong, ne baling koyu, ne gotu le smala gu te hangahen yó kem onuk koyu.”

Mark 4:32

Ngangen tmowok efet bong, efet lembang kem hangahen, botong le smala tahen yó kem onuk koyu.”

Danyél 4:14

Hgelen udélen, monen, “Nofok ye nim koyu ni, gotu nlós ye hangahen. Gotu kó ye dounen ne gotu bulét ye kem bunguhen. Gotu lo ye lu yó kem ógóf hgolung laanen ne hlikò ye lu yó kem onuk koyu smala tahen.

Job 14:7

Yóm koyu ke deng nofok le bud wen uléken.

Job 14:9

ke kmulón kaem angat bud gulék lómón yóm hulu lomi tmowok.