Danyél 4:1 - Udél Dwata: Gna Kesfasad ne Lomi Kesfasad

¹ Bud wen sulat hwit Nibukadnisar ebè yóm kdéen tau bè klamangen benwu, balù kihu gónó le gu semfu ne balù kihu benwu gónó le gu lemwót ne balù kihu kay udél le, monen, “Yó hol kóyóu bélê ye ke wen kenek nawa ye ne ke hyu kógów klowil ye.

Danyél 4:1 Referans Kwoze

Danyél 6:25

Omin Daryus hemwit sulat ebè kdéen tau bè klamang benwu ebè kdéen but tau, balù kihu benwu gónó le nô, balù kihu kay udél le, monen, “Hol tendo wen he kenek nawa ye.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Danyél 3:4

ominen lemwót yóm tau gel mò heglalag bè yóm tau hol geta hgelen udélen, monen, “Ó kem tau, balù kihu kuy gónó gu semfu, balù kihu benwu ye, balù kihu kay udél ye, hol hnungol ye yóm hlolò yóm tau hol geta.

Ifisus 1:2

Yó hem Dwata, yóm Mà tekuy, dalang se yóm gónó tekuy mogot Jisas Krays, tendo tmóbóng kuy ne tendo henek nawa ye.

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Kul Nmò 2:6

Timbow gungol le yóm lemungkul yó, omin le gotu stifun etu. Tey ketnga le, abay se tódô gungol le bè yó kem tau hemtahu bè Jisas yóm udél bè yó kem benwu gónó le gu lemwót.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Danyél 6:27

Gel lenwaen yó kem kun tau. Wen tey hentaw ton gel nmoen ditu bè longit ne dini talak tonok. Deng lenwaen Danyél lem yóm tey klóbô yó kem liyun.”

Istér 8:9

Tahu se, tódô kendel htaba Murdikay yó kem tau gel smulat bè yóm tau hol geta. Yóm kehtabahen kul yó, bè gewuhen folò tlu kdaw bè yóm getluhen bulón yóm bulón boluy le du Siban. Hsulaten kul yóm udin hwiten ebè yó kem Ju ne ebè yó kem gubérnor le ne ebè yó kem tau wen hogot le kul ne ebè kdê yó kem dumu tau wen glalen bè yó kem 127 prubinsya nogot Sérksis, lenwóten bè benwu Indya fi dmata kdaw efet kól bè benwu Sudan fi leged. Yóm sulat hwiten yó hwiten ebè ket prubinsya, hsulaten bè kul udél ne bè kul kmò ksulat. Senged se bè yó kem Ju, hsulaten bè kul udél ne bè kul kmò ksulat snéen.

Istér 3:12

Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen.