Danyél 3:7 - Udél Dwata: Gna Kesfasad ne Lomi Kesfasad

⁷ Tahu se, tikóng gungol le yóm tey uni féw sguyun mung du yóm kdê dumu huni le, gotu tud le uyó le bè tonok yóm kdéen tau, balù kihu gónó le gu semfu, balù kihu benwu le, balù kihu kay udél le, gotu le tmaba ebè yóm lennged blówón hdà Nibukadnisar.

Danyél 3:7 Referans Kwoze

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Deng Hegfan 17:8

Yóm ógóf lóbô tonem yó, tehe mowil te tonok, okóm deng matay. Bede móyón bud sut ne ni lemwót gu lem yóm tey sol leyóng. Okóm bè yóm ksuten, angat tudà le elem lanaw ofi mò sónen. Angat tey kehtaw le du yó kem tau te tonok bè yóm kton le du. Hentaw le, abay se tehe mowil, ominen matay, ne ni bud sut. Yó kem tau hemtaw du yó, duhen yó se kem tau là gsulaten yóm kul boluy bè yóm bok lowil tehe snulat le gu laanen là deng wen benwu he.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Deng Hegfan 13:3

Bè yóm sotu kulu yóm lóbô yó, lómón ke deng tehe wen halien tehe gónón matay, okóm deng mkó ne. Tey kehtaw le du yó kem tau bè klamangen benwu yóm bud klowilen, ne tey genged tau lemolò du.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

Kul Nmò 14:16

Bè yóm tehe yu ekni,” mon Pol, “tódô bayà Dwata yó kem tau te tonok, balù kihu kul knóyô nmò.

Danyél 2:46

Omin Nibukadnisar tódô mtud uyóhen bè solu Danyél ne tey kdóyónen du. Dóken yó kem tauhen anì wen dsù le béléen ne mtem le insinsu bè soluhen.

Danyél 3:4

ominen lemwót yóm tau gel mò heglalag bè yóm tau hol geta hgelen udélen, monen, “Ó kem tau, balù kihu kuy gónó gu semfu, balù kihu benwu ye, balù kihu kay udél ye, hol hnungol ye yóm hlolò yóm tau hol geta.

Danyél 3:5

Kesok gungol ye yóm tey uni féw sguyun mung du yóm kdê dumu huni le, hol tud ye uyó ye bè tonok bè yóm lennged blówón hdà Nibukadnisar, tmaba ye ebéléen.

Danyél 3:6

Ke wen tau là loloen du nim hlolò ni, tódô henmung bot elem tum tey dilóf ofi.”

Danyél 3:8

Okóm wen bè yó kem tau hemgawang mógów ebè yóm tau hol geta, tifù le yó kem tau Ju.

Danyél 3:10

Deng wen udin nmoem anì kdéen tau gotu mtud uyó bè tonok ke sok gungol le yóm tey uni féw sguyun mung du yóm kdê dumu huni le ne tmaba le ebè yóm lennged blówón deng hdaem.