Danyél 3:4 - Udél Dwata: Gna Kesfasad ne Lomi Kesfasad

⁴ ominen lemwót yóm tau gel mò heglalag bè yóm tau hol geta hgelen udélen, monen, “Ó kem tau, balù kihu kuy gónó gu semfu, balù kihu benwu ye, balù kihu kay udél ye, hol hnungol ye yóm hlolò yóm tau hol geta.

Danyél 3:4 Referans Kwoze

Danyél 6:25

Omin Daryus hemwit sulat ebè kdéen tau bè klamang benwu ebè kdéen but tau, balù kihu benwu gónó le nô, balù kihu kay udél le, monen, “Hol tendo wen he kenek nawa ye.

Danyél 4:1

Bud wen sulat hwit Nibukadnisar ebè yóm kdéen tau bè klamangen benwu, balù kihu gónó le gu semfu ne balù kihu benwu gónó le gu lemwót ne balù kihu kay udél le, monen, “Yó hol kóyóu bélê ye ke wen kenek nawa ye ne ke hyu kógów klowil ye.

Husiya 5:11

Yó kem tau Israél, angat le gotu meglà kesok nukumu lu abay se són nô bè nawa le tmaba ebè yó kem dwata kéng.

Danyél 4:14

Hgelen udélen, monen, “Nofok ye nim koyu ni, gotu nlós ye hangahen. Gotu kó ye dounen ne gotu bulét ye kem bunguhen. Gotu lo ye lu yó kem ógóf hgolung laanen ne hlikò ye lu yó kem onuk koyu smala tahen.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Istér 8:9

Tahu se, tódô kendel htaba Murdikay yó kem tau gel smulat bè yóm tau hol geta. Yóm kehtabahen kul yó, bè gewuhen folò tlu kdaw bè yóm getluhen bulón yóm bulón boluy le du Siban. Hsulaten kul yóm udin hwiten ebè yó kem Ju ne ebè yó kem gubérnor le ne ebè yó kem tau wen hogot le kul ne ebè kdê yó kem dumu tau wen glalen bè yó kem 127 prubinsya nogot Sérksis, lenwóten bè benwu Indya fi dmata kdaw efet kól bè benwu Sudan fi leged. Yóm sulat hwiten yó hwiten ebè ket prubinsya, hsulaten bè kul udél ne bè kul kmò ksulat. Senged se bè yó kem Ju, hsulaten bè kul udél ne bè kul kmò ksulat snéen.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Danyél 3:3

Tikóng le gotu kól bè yó yóm kdéen genlal tinoken ni, gotu le mdà bè solu yóm lennged deng hdà Nibukadnisar,

Danyél 3:7

Tahu se, tikóng gungol le yóm tey uni féw sguyun mung du yóm kdê dumu huni le, gotu tud le uyó le bè tonok yóm kdéen tau, balù kihu gónó le gu semfu, balù kihu benwu le, balù kihu kay udél le, gotu le tmaba ebè yóm lennged blówón hdà Nibukadnisar.

Danyél 3:10

Deng wen udin nmoem anì kdéen tau gotu mtud uyó bè tonok ke sok gungol le yóm tey uni féw sguyun mung du yóm kdê dumu huni le ne tmaba le ebè yóm lennged blówón deng hdaem.