Danyél 3:27 - Udél Dwata: Gna Kesfasad ne Lomi Kesfasad

²⁷ Mung kton le kul yó kem tau genlal ne yó kem genlal bè sendalù ne yó kem gubérnor ne yó kem fen gel hemlan udél bè yóm tau hol geta, ya tey ketnga le yóm klaen dù hemen le. Balù sbalu wek le ke mlób ne là se mlób nes le. Balù boo kebel, là kô gungef le du bélê le.

Danyél 3:27 Referans Kwoze

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Hibru 11:34

Ne laen dù hemen le bè yóm tehe kbot le kul elem yóm tey ofi. Ne bè yóm tehe tô ktibó le kul, là gehlósen. Tau laen dù kgis le, okóm botong le baling kemgis. Wen se bélê le alì hulung sfatay bè gida, botong laen dù gmò yó kem hohon le lemwót bè dumu benwu.

Kul Nmò 27:34

Olò ye na mken dé anì mgel ye. Laen kô tau angat lana bélê tekuy, balù sotu.”

Matyu 10:30

Milud he yó dum kuy. Balù yó he kem balu wek ye, deng gotu nsó Dwata.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

2 Bok Kem Tau Hol Geta 19:19

Duhen ni, Dwata yóm sana kum Dwata hol gónó mogot, mnihe béléem, hol lenwaem mi lem hólól yóm tau hol geta bè Asirya anì yó, gotu tngón yó kem kdéen benwu nogot tau talak tonok, tek sónen uu se Dwata yóm hol gónó mogot.”

Danyél 3:21

Tahu se, nfét le lu okóm sana knóen bélê le nes le ne uléw le, omin le mbot kul elem yóm tey dilóf ofi.

Kul Nmò 26:26

Omin Pol beklil ebè Agripa, monen, “Senged se kóm, Sér, là kóe na a likò tmulón du kóm ni kem ni. Kegnómu du deng gotu tngónem kóm nim monu ni, abay se laen kô dù tau bè benwu tekuy ke là tngónen du.

Danyél 6:7

Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.

Danyél 6:23

Ya tey kligal yóm tau hol geta, ominen hewa ke Danyél lem yóm sol gónó le kmukub yó kem liyun. Lemwót bè yóm ksalig Danyél yóm kun Dwata, balù udì ke wen ton le halì bè lówóhen.

1 Bok Kem Tau Hol Geta 13:28

ne tódô lemwót, ne tonen masà bè lan se yóm lówó yóm tau Dwata deng matay. Tódô mdà klohoken yóm liyun ne yóm kudà asnu, okóm là kô ken liyun du yóm lówó deng hnatayen, ne là se kô dluhen du yóm kudà asnu.