Danyél 3:26 - Udél Dwata: Gna Kesfasad ne Lomi Kesfasad

²⁶ Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.

Danyél 3:26 Referans Kwoze

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Deng Hegfan 19:5

Ominu mungol yóm mudél gu bè yóm gónón myón yóm fen kmamal, monen, “Dóyón tekuy dé Dwata, yu kem tau tóbóng lówóhen, dalang se yu kem tau gel kmikò du, lemwót bè yó kem tau hol geta kkólen bè yó kem tau hkawang.”

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Juswa 4:10

Ngang le mdà bè gónón sóól lel Él Jurdan yó kem tau fen mit yóm Slungan Fasad efet deng gotu deng yóm hmò Dwata ke Juswa, yóm deng eles tulón Musis du.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

Kul Nmò 16:37

Okóm yó mon Pol mò yó kem fulis, “Deng nfes le mi lem blóng yó kem tau igò le là deng smólók kum ke tedu salà me. Lel me tau Rom he kum. Ne deng tenes le mi lem blanggù. Ne ni kendel bud tô lifut hewà le mi. Là. Là tagad me hewà he. Tódô lu dé mógów edini yó kem tau Rom mogot kukum yó. Lu dé hewà kum.”

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Isaya 28:16

Ne ni se udél yóm Dwata hol dandónen geta gónó tekuy mogot, monen, “Wen yó kem botu alì mbegel mò gónón myón yóm beng deng suu bè Sayun mò hol hembegel du yóm Gónô angat hdau bè yó. Wen sotu botu suu bè yó mò hdengen ne wen snulatu du yóm monen, ‘Yóm tau mbegel kehtahuhen, hanayen nawahen.’

Tekang Kbuten 14:18

Ne bud semlong se kun ke Mélkésédék, yóm tau hol geta bè Salim. Du se bud gel blóng le ebè yóm Dwata hol geta bè kdéen. Wen mambang slongen ke Abram mung du yóm tifas grép gel ninum le.

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Kem Lingón 66:12

Deng hlusem yó kem hohon me anì hol ndà le mi elaan. Hol lómón ke deng me mlan lem ofi ne lem dunuk. Okóm deng mom nwitem mi ebè yóm benwu là élélen.

Danyél 6:21

Bnalà Danyél se, monen, “Hol tahà he ktauhem.