Danyél 3:24 - Udél Dwata: Gna Kesfasad ne Lomi Kesfasad

²⁴ Bè yóm igoen temngel Nibukadnisar, tódô kendel hebkó mdà ya tey sidek ketngahen, monen mò yó kem tau gel hemlan béléen udél, “Là tek tlu tau du kô yóm bot tekuy elem ofi koni?” Mon le se, “El, tlu le.”

Danyél 3:24 Referans Kwoze

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Danyél 6:7

Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.

Kul Nmò 26:27

Hentahuhem kô kóm, Sér, yóm tehe gel mon yó kem gna tugod Dwata? Tngónu,” mon Pol, “hentahuhem.”

Kul Nmò 26:13

Timbow deng móyónen gtungu kdaw bè yóm kógówu yó, Datù, tódô gloufu yóm tey layag temsang gu bè longit, botong kéng nóng kdaw. Yóm layag yó, tódô olohen temfeng dou ne yó kem dumuhu.

Kul Nmò 12:13

Bè yóm kkól Pitér bè yó, tódô tmutuk bè bak tikeb. Ne wen ngà libun gel dók le boluyen Ruda, nan e hnénég yóm muni tmutuk.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Danyél 4:22

Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

1 Samwél 17:55

Bè yóm kewót Dabid mit sfatay ke Gulayat snólók Sol Abnér yóm kmandér bè yó kem sendaluen, “Ó Abnér, tau du maen yóm logi yóó?” Bnalà Abnér se, monen, “Là kô tngónu du, Sér.”

2 Tutul Israél 22:4

Nmò Ahasaya yóm sidek bè kton Dwata du, lómón yóm tehe nmò Ahab. Kogol yóm katay maen, lemwót bè fes lówó Ahab yó kem tau gónón gel hmungol hlau, ne deng mom nwit le ebè yóm gónón meglà.

Danyél 3:23

Lemwót kul le Sadrak ne Misak ne Abidnigu, tódô le btang elem yóm tey dilóf ofi igoen tolo nô bélê le fét le.

Danyél 3:25

“Tenngel ye dé,” mon Nibukadnisar, “deng le mom fat liwà gu lem tum ofi ne là kô le dog mlób. Yóm gfat le, hol lómón tô sotu ngà dwata logi.”