Danyél 3:22 - Udél Dwata: Gna Kesfasad ne Lomi Kesfasad

²² Lemwót bè udél yóm tau hol geta, ya tey sidek kkinì dilóf ofi hdutungen, botong diluten yó kem sendalù mbot kul le Sadrak ne Misak ne Abidnigu, gotu le mlób.

Danyél 3:22 Referans Kwoze

Kem Udél Hlalak Tehe Selumun 21:18

Yóm hlayam nmò yóm tau gel mò sidek bè yóm tau tedeng kmoen mom bud mulék etahen.

Kem Udél Hlalak Tehe Selumun 11:8

Yóm tau tedeng kmoen gewà gu lem yóm hlayam ne yóm tau gel mò sidek mom yó yóm meflayam.

Kehewà 12:33

Ya tey keheslò le kul yó kem tau Idyip anì géhél tebel le yóm benwu yó. Yó mon le, “Ke là géhél ye lemwót angat me gotu matay.”

Kul Nmò 12:19

Tey keheseklab kehfebel Hirod du, okóm là ton le du. Timbow laen dù mton du, gotu tinok Hirod yó kem sendalù tehe mentey ke Pitér, gotu snólóken lu, ne ominen gotu hfatay kul. Kogolen bè yó, lemwót Hirod bè yó bè prubinsya Judiya, mógów ebè syudad Seseriya. Nan hegen udì bè yó.

Matyu 27:5

Tódô gotu legas tudà Judas elem Gónô Dwata yóm filak tehe blay le du, ominen tódô lemwót na a mówól lihol.

Danyél 6:24

Omin yóm tau hol geta gotu hekfô yó kem tau tehe alì tmifù ke Danyél. Gotu bud tles boten lu elem yóm sol gónó le kmukub yó kem liyun, mung kul kem yehen le ne kem ngà le. Là kô le deng gefet ditu laan deng sana sensegaf nsék le lu yó kem liyun, tódô gotu nkeb le kem tiol le.

Danyél 2:15

Yó snólók Danyél bè Ariyuk, “Moen du ke lómón ni khééten yóm udél hwit yóm tau hol geta?” Ne tulón Ariyuk du yóm buten.

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

1 Bok Kem Tau Hol Geta 13:28

ne tódô lemwót, ne tonen masà bè lan se yóm lówó yóm tau Dwata deng matay. Tódô mdà klohoken yóm liyun ne yóm kudà asnu, okóm là kô ken liyun du yóm lówó deng hnatayen, ne là se kô dluhen du yóm kudà asnu.